ارتجاليات..

[بندر الصقر]

المشاركة الأصلية كتبت بواسطة سعيد موسى

عبدالله العويمر


مبدع بهالفكره والله !

جداً جداً جميله وربي !

وشكراً لك ولبندر

يا مراحب والله يا سعيد

 

[عبدالله العويمر]

العصر لنا لقاء

مانمت البارح زين



صح لسانك ياحبيبي يارضوان

 

[ميــرال]

وانا بعد استنى ابداعكم
عبدالله بندر ورضوان
متصفحكم مذهل

 

[نواف العطا]

صباح الورد للجميع
دائماً مبدعين ربي يوفقكم
ويسعدكم

 

[رضوان الهاشمي]

لك يا عويمر

الحروب اشكال يكسبها رهان
والسيوف اللي تسل الها طمور
من شهر سيفه على وجه الانام
ماغشاه السلم يبنيله قبور
الشعر حربٍ تجمعنا لسان
والمحارب شاعرٍ عزمه صبور
لاتعزوى عزوته لبّت اوان
عزوتي ربٍّ دعيته لي ستور
مانخاف الحرب لو عشنا الامان
وما قبلنا الذ لو عشنا دهور
مصقل اسيوفي وغايه لك تبان
والتحدي شان روضها بحور

 

[رضوان الهاشمي]

صح الله بدنك يالغالي عبدالله
ومتصفحكم جميل والاجمل
تواصلكم ومتابعتكم

 

[بندر الصقر]

يسلملي هالراس والله يابو عابد

انت الكريم وحق من يعلم الغيب
...................... والنور منك اليا أظلمنّ الليالي
وانت الفرح لو تحضر شوي وتغيب
....................... تجي وتروح وبسمتك لاتزالي
وجعك في كتفك يبي شوي ويطيب
........................ يمكن كبرت شوي ياهمّلالي
أو ام عزوز أكثرت بالمطاليب
......................... وخلّتك تكرف بامتحان العيالي
وانا الوجع جرّب كثير الاساليب
.......................... فيني وقام يجيبها بالتتالي
مرٍّ يمر الليل وانا احسب الشيب
.......................واستعرض اللي في زماني جرالي
ومرٍّ أفكر بين غلطان ومصيب
....................... عفت القديم وزاهدٍ بالتوالي

 

[ميــرال]

وجعك في كتفك يبي شوي ويطيب
........................ يمكن كبرت شوي ياهمّلالي
أو ام عزوز أكثرت بالمطاليب
......................... وخلّتك تكرف بامتحان العيالي


ههههههههههههههه يسعد رب الشعر