تعال / وإنفض غيومي !

[مشاعر تائهة]

,
يخطبوني
وصرت أسوّي كنّ كل الناس حولي ما يبوني
وعقدة حجاجي تلمّح : ( لا تجوني )
(ما أبيكم)
و(إتركوني)
دام حالي مو بخير ومن بعدها ضاق كوني
وبعيوني هالقصايد لي مراثي بكّوا العالم عليّ وما بكوني
بكوّوا العالم عليّ وما بكوني
ما بكوني!

 

[مشاعر تائهة]

شميت ريحة عطر أمي الله يغفر لها وإنهرت :

يا عين لا جاد الدمع بإنسكابـه
كنّك على فرقا لقاهـا تسقّيـن !
لا تدملين الجـرح دام الرحابـه
ما توسع إلاّ للمواجيع والبيـن !
دامي انا ويّـاك صرنـا غلابـه
تكفين لا نصبح عبِر للمساكيـن
لا تسألين الناس ويـن الإجابـه
وإنتي تعرفين الإجابـه وتدريـن
ما لك سوايا صحبـة ٍ أو قرابـه
وفاي ما يخلص سوى للوفيّيـن
غيرك تركنـي لقمـة ٍ للذيابـه
وإنتي ليامن (ضقت) بالذات تبكين
لا تصنعي من قلّ حيلي تشابـه
بيني وبين اللي سرق نومة العين
لا تسكبين الدمع محد ٍ درى بـه
كفيّه يا عيني على شان غاليـن
يذكّرك فيها كثيـر.. إنسكابـه ؟
حنّا على كثر المواجيـع حيّيـن

 

[مشاعر تائهة]

يا ريحة الجنه أشمّ اليوم حنّاك
في كفّ غيرك لا حشى ماهو يْليق

ياللي ألمّ الشوق لاهبّ ذكراك
وأحتاج لك بالفرْح أوحزة الضيق

منهو يقول بيوم بعتاد فرقاك
ما سدّ منزلتك جميع المخاليق

حتى الحنين اللي عجز يوم ينساك
جر ّبغيابك موجعات الطواريق

صرت أكتبك أشعار والناس تقراك
وبعض الحقايق صدْق تحتاج تشقيق

أتذكّرك وأشمشم اشياك واشياك:
كنها لعطشانك حلا بلّة الريق

أتنفسك وأشتاق لك دوم وألقاك
موتك لمن يدراك ما اظنّه يعيق

الله يخّلي من تنّكر وخلاّك
ياللي رقيتي عاليات الشواهيق

الله يعذّب من تناسى وصاياك
دام الوصايا تطلب اليوم تحقيق

الله يجلّي من تجرّا وجلاّك
وأنتي مابين العاريات المفاهيق

والله يضيّع من يضيّع بقاياك
يا راسخه فيني مثل حطّة طويق

والله يسامح من تزّين بحنّاك
بكفوف غيرك لا حشى ماهو يليق

 

[مشاعر تائهة]

http://www.4shared.com/audio/gJ2K6Day/_online.html


الحزن الأكيد بصوت المنشد عمر العمير


كل عيدٍ مرّني ماهو سعيد
أنتي خذتي معْك أفراح الصباح

 

[مشاعر تائهة]

 

[مشاعر تائهة]

حزني اللي شوّه الوجه الجميل
ما جعلني غير/ بعيونك ملاك

ودامك اللي تدري إني مستحيل
لا ترامى /وإنت عارفني هلاك

ما وحشتك؟
كيف ياعابر سبيل؟
ما يوّرد غيثي إلاّ ما بلاك!

حاول تراجع حسابك والدليل
في غيابك: ما حصدت إلاّ غلاك

دعوتي لك/ إنتقامك /وألف ليل:
صبّك بقلبي مواجع ثم ّملاك

في الحقيقه /مات في عيني جليل
وفي سرابك/ كل حقدك ما جلاك

طول بالي طامع ٍ بك ( لو قليل )
وإحتمالي ماطمع غير بـ ولاك

جابك الله بعد ضيعاتي كفيل
لليتيمه (وما تمنّاه ) / ادخلاك

مالي غيرك يا وطن أيّة بديل
ممتلكني رغم عيني/ إمتلاك

صح حزينه لكن احساسي جميل
ولي خفوق ٍ في غيابك.. ما سلاك. !

 

[مشاعر تائهة]

هنا نفس الحنين اللي زرعني صار يحصدني
وهنا نفس الوجع يكبر ويكسر عزّ شيباتي

أفا يمّه بعد عينك عيون الناس توقدني
على جال الألم .
وأبكي
وأنا أتسائل وش الآتي؟

غبيّ اللي على نفسي ومن قلبه بيحسدني
لأني سيّئه جداً .. وقبيحه (جلّ) عاداتي

وحيده ؟
..صح !
وإيماني على الغيبه يورّدني
ولا يشرب من أوجاعي سوى أقرب قريباتي!

عتيّه /جامحه/ بلها / كئيبه , بس يسعدني
من الطيبه جنيت قلوب فقط تسعى لضيعاتي

قنوعه كل أطماعي تبي روحٍ توّحدني
يأست ,وما تعبت إلا ألملمني من شتاتي

أبتنفس بحرّيه ... وأنا ظروفي تقيّدني
ولا تحررت إلى يومي
.. سوى في أصدق أبياتي!

 

[مشاعر تائهة]

طفله
بعيد الجرح محتفله

.


تشوف في وجهي ملامح طفوله
وأحسّ في صدري يتمْ/ حاجة أطفال

في خاطريْ : لك شيّ ودي أقوله
في داخلي (أشياء) ما هي بـ تنقال !

خسرت في دنياي قبلك بطوله
وكسبت من بعدك مشاريه أبطال

ودي أقول انْ ماني اللي صموله
لكن صراحه داخلي عزوم رجّال

تختار لك ديره / وبنت وحموله
وأختار يا وجه الشقا قلب رحّال

طيّحت حظي لك
..وفي كل سهوله
.......في كل سهوله
......تندفن طولة البال

دام العمر وياك معلن ذبوله
برحل عسى الله يبدّل الحال في حال