سيمفونِيّة مَطَرْ

[سعيد الموسى]

ياحلوتي , استسمحك
خنتك مع عيني عمد .
شافوك اصحابي وتد
كيف اختفي كيف ابتعد ,؟
تدرين وش تعني سما ؟
يعني عيونك وجنتك
حتى المطر
حتى الشجر
حتى الطيوف العابره
حتى البشر
ماهم بشر , من علمك , مايصدقك ,
انتي المطر
انتي الشجر
انتي الطيوف
انتي الصدق ,
حتى الوجيه اللي تمر
وجهك , ولاغيره عبر
ياحلوتي , استسمحك ,
كنت بخيالي اسرقك
تدرين , يااصدق حكي !!
شلالك اضناني فررررح
وشهو الفرح ياحلوتي
اني اطير لبسمتك
واستسمحك
لو طرت
بسكن خافقك

 

[سعيد الموسى]

تعالي / نكتب الفرحه

انا قلبي نسى جرحه

انا هايم انا طااااااير

انا قلبي بنى صرحـــه

تعالي بس قوليلي

احبك بس قوليها

ورب البيت تأسرني

حياتي بس قوليها

احبك مو احبك مو احبك

احب الحب في قلبي يضمك

دخيل الله انا مقدر

اخبي دمعتي واصبر

احب الحب لجل انه

طلع من شفتك / رنّه

وهي رنه ولارنه

ولامثلي ولاظنه

قدر يعشق مثل قلبك

وقلبك حبه بربــــّك ؟


انا هايم انا طاير انا مجنون هالليله

انا مدري انا ببكي انا قلبك وقنديله

احب اسمك احب الحب في قلبك

احبك بس قوليها دخيل الله انا مربك

عيوني تنده عيونك

شفاهي تنطق بااسمك

نعم والله مو اعشق

انا طااااير ... قبل انطق

احبك قالت الكلمه ؟!!

تعالوا يابشر شوفوا ؟!!

اهي والله قالتها

انا صاحي انا مجنون !!

يغور الحزن ذا ملعون

نبي نفرح ولانجرح

نبي نضحك ولانبكي

نبي ننسى جميع الناس

نبي ياحبنا هالكااااااس

ونخب الحب يشربنا

ولانشرب طفولتنا

كبرنا يازمن والله

نبي نصغر نبي نلعب

ولانكبر و لانكذب

انا هااااااايم انا طاير

وش اللي يابشر صاير ؟

اكيد الحب جنني

او ان الشووق بعثرنـــــي !!

 

[سعيد الموسى]

ماهو حكي لوقلت لك :
أشتاق ألاعــــب مبسمك !
أشتاق لك ,
لمسة يدك !
ماهو حكي مااشتاق لك
هذا الطـــــفل محتاج لك !
مو لهفتــــــــك !
أو ضحكتــــــــك !
كلك [ كثير أشتاق لــــــــك ]
كلك [ علي آستااااااااامنك ]
ماهو حكي لو قلت لك !
أحتاج أصافح وجنتـــــــك !
والله العظيـــــــم أبغى احضنك !
وتــــــردني شيمة هـــــــــلك !

 

[سعيد الموسى]

صغيرة سن تتدلل !
شفيفة قلب , تتهندم !
مشت والارض , تحسدها !
مشت والناس , تنـــــــظرها !
غيمة على أرض الثرى !
نجمــــة بــــداخلها سماء !
مشت حشمه !
على نغمـــــه !
وغنى طاير النورس !
وطاحت وردة النرجس !
دلعـــــها , من حواجبها !
حسنها , فاق وجنتــــــــها !
صغيرة سن , مو طفله !
ولكن / روحـــــها وجله !
خدود مدندنه خجله
رموش بعز منسدله !
شعرها , خصلة ٍ , خصله !
كأنه / نـــــور في ظــُلمه !
صغيرة سن / مو طفله !
ولكن حسنــــها / كتله !

 

[سعيد الموسى]

وشوشوا , وتهامسوا !

اخفضوا وتغامـــزوا !

يمكن إنه / ذاك , ذاك ؟

إنت ماششفته هناك ؟

وشوشوا , وتغامزوا !

شفتها تمسك يــده ؟

تهمس بضحكه / مـِنه !

وشوشوا , وتغامزوا !

شفت كيف يضـمّها ؟

صار يـ يبغى عـِرضها !

وشوشوا , ثم أذنبوا !

كل الحكي / مشهد غنى!

استغفروا , استغفروا !

 

[سعيد الموسى]

يمروني , مثل نسمه

يمروني , دفا كلمه !

ونظــرة عين محتشمه !

ودقة قلـــب مختصمه !

يمروني مثل / آهــ هـ

وطفل ٍ بلل إثيابه !

غمر في هالمطر / بعضه

وباسه خــدٍ وعضـّه

يمروني , كذا مدري !

انا أجمعها , وهي انثى !

وتاج للنسا واسمى !

تمر لـ شفتي : نسمه !

واضم النطق في لتغه !

أمان الله , مريني !

انا في بالي أنتظرك !

تمريني ؟ تزوريني ؟

 

[سعيد الموسى]

يمر بـ عبرتي ذكرك !

اقوم استأصل الــ قطره !

أخبيها عن / العــزه !

ورى خيطان هالغتــره !

شجاع وخالقك خـلِك !

ولكن / يضعف ببعدك !

يحس إنه طفل تايه !

وحيــد بعالم ٍ / عزفي !

يردد : يــمه ودمعه !

يردد : يمــه ونهته !

يردد : يمــه وسقطه !

يطيح من الألــم / طوله !

يخاف الشك في زولـــه !

أنا , وشلون ابشرح لك ! ؟

انا تــايه / وابي قلبك !

تخبيني عن العالـــم !؟

 

[سعيد الموسى]

غفى بعض الحكي / ينطر !
لك الله ياشقى الدفتر !
بكت حتى الحروف : أزرت
تراعي قسوة : البسمه !
فتحت من الصدر : زري
وطاح من الألم / يمطر!
عجيب من الحكي : تؤزر
ولئيــــم من البشر : يغدر !
لك الله ياشقى الدفتر !

توسد نــــــام , وش تنطر ؟