سيمفونِيّة مَطَرْ

[سعيد الموسى]

يارب الناس
سامحني !
عجزت إني أحب الناس !
*
تعبت آمد
كفيني !
ويهدوني بقايا آه !
وأنا والله
تعبت الآه !
كثر ماني
تعبت الناس !
*
*
تعبت أستغفر جروحي !
نعبت أزفر ملامحهم !
تعبت أسترحم الطيبه !
والاقي حكمهم غيبه !
تعبت الآخ !
ياطيحه !
تعبت أغرسهم بصدري !
وتثمر
نبتة الخيبه !
يارب الناس
سامحني !
أحس الناس سكرة كاس !
وأنا ترهقني الميله !
ولاأقوى صرخة التأنيب !
عشان إني تعبت أعقل !
وأحط بكاسهم : ثلجي !

 

[سعيد الموسى]

مدري وش أحكي !
يضيع النور !
لامن هطل وجهك الناصع
أقسم برب البشر
فتنه
إن طل وجهك على هالكون
ياأجمل من الورد
أو لا
لا
الورد يعبق من انفاسك
ياأحلى من النور
أو
أشرق
وجهك وطن ... تحتفي شمسه
في خدك الــــفجر
متهندم
مغرور ...
ياحلوتي
مغرور
في شفتك ... توت
يحوي ثلج
واحلى من التوت
ريحانك
يابخت كل الحكي والله
ان طار بعضه
من اشفاهك
أحس كل الحكي يخجل
ينطق لغيرك
ولو كلمه !
ياحلوتي ...
واكثر الاغرب
ياغيمتي
واصدق الاكذب
حورية البحر
ماتخجل ؟
لو طل رمشك
مع الموجه !؟
أحس كل البحور .... تقول
[ إنك ] من الموج
مخلوقه
ياابيض من الما ...
ولون الما
يااحلى من الورد
وش أحلى ؟
غير إني أغفى على صدرك
وارمي همومي على هالريح
ياحلوتي دامك الاجمل
كل الحكي ... يستحي
يخجل !

 

[سعيد الموسى]

*
*

أحبّها كثر ماقالت :
لاتبتسم
حيل تربكني !
ياحلوتي ماني الأجمل
إلا بعينك
وأنا عينك !

 

[سعيد الموسى]

أنا أدري بالعتب
... يكثر !
وأنا أدري بالغلا
أكبر !
ياكوكب النور
لاتعتب !
عتبك أكبر
من أكتافي !
*
*
ياصاحبي
والغلا دستور
آمن
وصدرك بعد آمن !
تحت السما
قلبي
وقلبك !
مافوقنا غيم ... متشتّت !
لو كان غيمك
يرش : أفراح !
غيمي : رذاذه
حزن بارد !
أحسّ كنّه يرشّ الناس !
والناس ماهم مطر
رحمه !
أيه أدري إني بشر من ناس !
لكن بعضهم
مطر ، نقمه !
الحمدلله
... لو طاحوا
ثم أغرسوا نبتة الخنّاس !
*
*
أتعّوذ من البشر ... واهمس !
هالناس ياصاحبي
وسواس !
ناس ٍ ولكن : بدون إحساس !

 

[سعيد الموسى]

*
بدري على الصبح
يارايح !
تو الهدب منسدل ليله !
عطني من الرمش
لو كحلك !
من علّم الوقت يقتادك ؟

 

[سعيد الموسى]

أقذفي صوتك ورائي !
أشهقي خلف الخيال !
أمسكي جفن المطر !
أنهكي هائي ... ويائي !
أصرخي بي ...
وإرقصي !
جادليني ... وإكذبي !
أسرقيني
وأهربي
قنديلة الغيم ... يامائي !
لاتكسري كل مجدافي !
ساعديني !
بالغرق !
أرسميني في خيالك !
واتركيني للجُمل !
طبطبي فوق الدفاتر !
وأكتبي حرفي
... ضِلالي !
أرسمي سهمين بيضاء !
واكتبي للريح صوت !
*
*
أصرخي بين الورق !
كوّني ... حِزب وفِرَق ْ !
ناضلي فيني ... لأجلي
وأهزمي ... ثم أُهزمي !
قاطعي كل الحروف !
واحضني
عطر الــطيوف !
*
أفهمي
وشهو الجنون ؟!
ياتكوني
... أو أخون !

 

[سعيد الموسى]

يوسفيّة خد
هاروتة شفاه !
نرجسية عين
ممطورة هدب !
*
*
ماتحفظ من الجُمل إلا !
صمت الحكي وأحمر الوجنه !
*
تنطق مثل رشّة الغيمه !
قليلها
يروي الأغصان !
.
.
من كثر ماهي : خجوله
قلت :
ياليتني شامه بخدّك !
*
*
قالت بنفس الحكي والصمت !
مايكفي إنك ملكت القلب ؟

 

[سعيد الموسى]

مدام إن الحكي عفوي !
أنا ريفي
نسل أرياف !
أنا جدي يقول : إحرص !
ترا السمعه
هي التربه !
أو التربه
هي السمعه !
نسيت الحكمه ... ولكن
فهمت من الحكي
حكمه !
إذا بعت الوطن .... لقمه !
حلال يخونك التاريخ !
*
*
على فكره !
أو الفكره !
أنا ماكنت أقصدني !
وحطوا قوس !
لو ممكن !
*
*
صباح الخير ياجده !
منوّر شكلك التلفاز !
شوارع طهرك البيضاء
أبد ماتمطر الرحمه !
يقولوا تزهقين أرواح !
وكم طفل ٍ وكم زهره !
لعل إن السبب جوعك ؟
أوإن الدم متهنـــــدم ؟
أو أسكت يعني ويكفي ؟
.
.
على فكره
وهالفكره
صحيحه ألف فالميه !
اذا غاب المطر
شهرين !
دعيتوا بس نستسقي !
وإذا جانا المطر !
رحمه !
تبان ضروس
لعنتكم !
بطانة فاسده
سوداء !
تشوه موطن الإسلام !
كروش جيوبكم ملئى
جثث أموال
ياساااااااااااااااااااااتر !
طروش
وتلحقون القرش !
ولو في جثّةالميّت !
نسيتوا إن موطنكم !
تحت بطن الثرى : جاوب !
وقلي !
تاخذأبراجك ؟
وقلي !
تاخذ أموالك؟
وقلي !
وين كرسيّك؟
وقلي !
مسكنك شاليه؟
أبد مايحضن أضلاعك
سوا حفرة
وقل مترين !
وجاوب من رسل ربي !
يضيع الرد
يامسكين !
وش اللي بس يشفع لك ؟
سعادة حضرتك : ميّت !
وكلّك ممتلي
رشوه !
واذا صح الحكي
... آسف
ترا ملعون ...
ياسيّد !

*
*
أنا ماأنقد التربه !
أنا العن
خاين التربه !
أنا العن
كل ذو منصب
فسق
في أقدس الدنيا
ولا يلقى سوا
هالأرض !
يدور سرقته فيها !
شوارع جده
الثكلى !
غدت تبلع
براءة ناااااااااااس !
وانا عارف
ومتأكد !
يجي كم طرش فالتلفاز !
يقولوا : ذا قدر مكتوب !
بذلنا كل مانملك !
أعينونا
على التطوير !
.
ياناس
الله يشتتكم !
ياناس
الله يمحقكم !
يااسوء عذر
ياجوعى !
هتكتوا عرض أطهر أرض
لجل دنياكم
... الأدنى !
*
*