[ حَمَامٌ زَاجِلْ ]

[سعيد الموسى]

_
الله يخرب بيت آمال !
لما تصدح بالموّال !
لما تغنّي
أشعر أني
حاجه : فوق !
بس توّقف !
أسقط : تحت !
تحت
التـحت !
أرجع للواقع
وانصت !
____
ياخي مُزعج
هذا العالم !
ياخي طيّب
جِداً طيّب !
لاتتعوذ من شيطانه !
لنّه يصنع كل أحزانك !
لنّه يبتر كل أفراحك !
لازم أنت تقبّل
راسه !
طاوعني - لاتلعن ساسه !
حلوه جداً
هذي الكاسه !
هاللي تشربنا
كل يوم !
وتأرقنا قبل النوم !
شايف كيف ؟
حلوّ ال كيف !
حلوّ أنك
للدنيا : خمره !
تشرب دمّك !
تشرب حلمك !
حتى تشبع
تتقيأ - بك !


_
الأخطاء الأملائية هنا [ مُتْعَمّدَه ] ليستقيم النطق
كحال أخطاء الحياة المتعمدة أيضاً لنستقيم ولانفعل !

 

[صالح العرجان]

/


البارحه تحتريك النود
‏يامجسر النود للمسرى

‏عينت قلبى قليل الفود
‏مالي خبر فيه وانت ادرى

‏إليا تذكرك زاد لهود
‏وان سج في سيرتك هذرى

‏وان جيت يمي رقيت سنود
‏والساعه اللي ماهى قشرى

‏وان غبت ماكن احد موجود
‏لله ولا كن احد يطرى

‏هيّف على قلبي الملهود
‏ان مابرى منك مايبرى

 

[سعيد الموسى]

-

يالرصيف اللي ترامى فالظلام !
__ مفترش ضلع الشوارع وأعترى
ليه ماتهرب عن سهام الزحام ؟
__ تُربتك تكفيك عن كل القُرى !
يارصيف الحزن يخنقك الكلام؟
__ وش يفيد الفمّ والصوت انذرى؟
كم تمر أحيان ودّك لو تنام
__ والبشر تعبث بصدرك وتْكرى !
يارفيق الهاربين من الحطام !
__ جيت أدور فيك حاجه تنشرى !

-
ويأتيك شخص يقول أعذبه أكذبه ..
والله أننا ننزف الشعر نزف ..

 

[عبدالله عليان]

المشاركة الأصلية كتبت بواسطة سعيد الموسى

-

يالرصيف اللي ترامى فالظلام !
__ مفترش ضلع الشوارع وأعترى
ليه ماتهرب عن سهام الزحام ؟
__ تُربتك تكفيك عن كل القُرى !
يارصيف الحزن يخنقك الكلام؟
__ وش يفيد الفمّ والصوت انذرى؟
كم تمر أحيان ودّك لو تنام
__ والبشر تعبث بصدرك وتْكرى !
يارفيق الهاربين من الحطام !
__ جيت أدور فيك حاجه تنشرى !

-
ويأتيك شخص يقول أعذبه أكذبه ..
والله أننا ننزف الشعر نزف ..

.
بشكل عام
خلينا نأخذ الموضوع ببساطه
العبارة تقول:
أعذب الشعر أكذبه !
- تمام -
لسان حالها يقول لنا بأن :
أن القصيدة المباشرة ليست شعر !
.
ومن الأبيات على سبيل المثال:
الرصيف ، ضلع الشوارع ! ، سهام الزحام ! ،

وهذا مايؤمن به الكثيرون من الشعراء والنقاد والمتابعين !

 

[سعيد الموسى]

المشاركة الأصلية كتبت بواسطة عبدالله عليان

.
بشكل عام
خلينا نأخذ الموضوع ببساطه
العبارة تقول:
أعذب الشعر أكذبه !
- تمام -
لسان حالها يقول لنا بأن :
أن القصيدة المباشرة ليست شعر !
.
ومن الأبيات على سبيل المثال:
الرصيف ، ضلع الشوارع ! ، سهام الزحام ! ،

وهذا مايؤمن به الكثيرون من الشعراء والنقاد والمتابعين !

وأنا مؤمن بوعيك ياعبدالله ..

 

[عبدالله عليان]

المشاركة الأصلية كتبت بواسطة سعيد الموسى

وأنا مؤمن بوعيك ياعبدالله ..

.
ممنون لك أ. سعيد الموسى شاعرنا الجميل ،

 

[صالح العرجان]

/

اللي معشي بالردى ومتحلي
‏في الخاطر أوجاعه تمر وخفيفة

‏لكن يوجعك الكريم المولي
‏اللي على نفعه عيونه كفيفة

‏واللي على غيره سحابٍ مهلي
‏قاعه يباس وغير قاعه مريفة ،،؟!

 

[قايـد الحربي]

:
:

أطراف توتك لونها ليه داكن ؟
ــــ قالت لي شف فمّي وبعدين اعلمْك.
وفمّك يشابه شي مدري ولكن
ــــ حاجه كذا .... ودّك تحطينها بفمْك