غن / لا ضاقت عليك الوسيعه / غن

[العـنود ناصر بن حميد]

الحب ضحكـة بعينـك بـس ماطلتـه
عمرك بهالكون شفت أبسط من احلامي

(متعب التركي )

 

[العـنود ناصر بن حميد]

ادخل على قلبي وشف وش يبي بك
اما اقنعك .. وإلا رضى واقتنع هو

**
انا تعبت من الزعل والحكـي بـك
ثلاثة اشهر واخـر محاولـة تـو

**
قلت انك المخطي ولا طاعني بـك
قلت انك المظلوم قال ايه بس لـو

**
واللو هذي خيطهـا ينتهـي بـك
وانت الذي تملك لتحليلها ..الضـو

**
قم قبل ما يسري الجفاف بحبيبـك
إدع المطر والا علـى عاتقـك رو

**
اخلق فرص/عجل/ترى ما يعيبـك
هذا ولا تسأل عن الدرب وش هو

**
يمكن تشاهد بالنظـر مـا يريبـك
او تسمع اصوات تعكر صفا الجـو

**
لكن تصور وش كبر فرحتي بـك
واعمل وجنب قيد لاتسوي وسـو

(إبراهيم السمحان )

 

[العـنود ناصر بن حميد]

الليالي خطايا و السهر : وقت راحل
والمسافه : حسافه و انكساري / جـُمـل

**

ياحبيبي .. وانا ادري كلّ مافي ّ قــاحـل
اخذ مني شبابي .. بس عـطـنـي أمـل

**

كم تخيّلت شمسي .. غاربه .. وانت سـاحل
وانتظرني لـ باكر والمواني هـُـمــل

**

آآه ياما بكيتك .. وانهزامـي مراحــل
لييين صبري تبعثر في شتاتي رمـل

( عاطف الحربي )

 

[العـنود ناصر بن حميد]

غابت الشمس وإلا الحزن له مغربه
وين أبغرب وأنا حزني غروبه ثقيل

**

مجدبه ياجروحي والسماء معشبه
ساكنه والهوى ميل جريد النخيل

**

بارده ياحروفي والدفى موهبه
بارده مثل برد الخوف والمستحيل

**

صوتٍ أبعيد في قلبي ياليت أقربه
وبين قلبي ومابيني طريقٍ طويل

**

ليت حزني مثل حزن البشر وأكتبه
وليت دمعي مثل دمع العيون ويسيل


**

أشهد أني ردي حظ وردي تجربه
وأشهد أني على بعض المشاعر بخيل

**

أيه مذنب في هالدنيا وهي مذنبه
من دفا حلمي الطيب لبرد الرحيل

**

عذري اللي متعبنّي وأنا متعبه
مال قلبي على بعض الهقاوي دليل

**

كل طيرٍ له اللي بالسماء يجذبه
وكل غصنٍ تجوزله الهبايب يميل

**

صرت أقول الكلام المر وأستعذبه
صرت أخاف الدفى لوني وحيدٍ نحيل

**

كم صبرت وليال الصبر مستغربه
لين قلة حلاة الصبر لو هو جميل

**

الزمن صعب والنسيان يامصعبه
والدفاتر نشيّلها الهموم وتشيل

( سعد الحريص )

 

[العـنود ناصر بن حميد]

كم بقت فيك تمره ياعذوق العتب
كل ماهزك احباب إتساقط ..سماح

(عبدالمعطي البدراني)

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أنـا أبتدعـت الكـلام اللـي يعذبنـي=ولوّنت ضحك القلوب بلـون غربالـي

و أنا لبست السكوت اللـي يناسبنـي=وجه الكلام وسكت فـ.. عيون عذالي

دام الغياب أفـ.. غيابي مـا يغيبنـي=عنك وأنا أزريت لا أغيّبك عن بالـي

تركت خلفي قلـوب النـاس ترقبنـي=تركت أنا كـل شـي وجيتـك لحالـي [/POEM]



سعد الحريص

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ماهوب ذنب الليالي والزمن ياعريـب=هذا زمـان بـه المستعربـه عاربـه


هذا زمان به الهقـوات دايـم تخيـب=وشلون لاصارت الهقوات متضاربـه


من لانفعته وهو عندك كريم وحبيـب=كرهك إذا دارت الدنيا ماهو ضاربـه


شيقول مثلي ليا ضاق الكلام الرحيـب=في لحيته لاسكت وإن قال في شاربـه[/POEM]




سعد الحريص

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياحارس التيه انت بصفحتي وش كتبت ؟ = اللي قضيت العمر كله وانا اعابله

لو مايقولون عليت البكا وانتحبت = بس بيقولون مجنون .. الهوى هابله

البارحه كنت احس اني كثير اقتربت=واليوم ابعد وياخوفي من القابله

ابطلب العذر سامحني حبيبي تعبت =واببتعد عنك لو نفسي مهي قابله

عاشرت انا الصدق في دربي واظني كذبت = مره .. وطاح القمر فالليله الحابله[/POEM]



سعد الحريص