ضلوع المشاعر

[النجــلاء]

[poem="font="simplified arabic,5,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قهويتني حبك وشوقي تقهواك = وصبيت فنجالك حبيبي فالاعماق
لاصبحت كيفي كيف انا اليوم برواك = يانبتة ضلوع المشاعر والاوراق
هديت روحٍ في وجودي تمناك = وشبيت نار الود في عرق الاشواق
حبك سرابي في نوى ليل مسراك = اشتاقت الاحداق والقلب يشتاق
مهما شربتك في شفا وقتي اضماك = يامن شموس الارض تشرق به اشراق
في صدر مركاز الغلا شفت مركاك = وفي وجد شكاي الشقى صرت سباق
الحب يومنه شفا جاد بشفاك = كنه ختول ٍ يختل القلب سراق
ما للحكى لو قلت لي غيره احكاك = ولا يُساق بعرفْنا غير مانساق
ولا ملا كف الضنا غير يمناك = لو نارها في كبد الاوجاع حراق
لقيت في داء الوله منِّه دواك = وحطيت لانفاس الغلا عندك وثاق [/poem]