رسـائـل لـ لـ يـاسـمـيـنـة

[صالح العرجان]

كثرماللفرح بسمه كثرماللحزن الوان"
"كثرما تكسر الدمعه شموخ الذات وتذله

كثرماللسهرمرسى بجفن العاشق الحيران"
"كثرما للنوى قصه معه والراوي المله!!

كثرما لوعة الفرقا تشاف وتنقري وتبان"
"علىوجه المفارق والجروح قدام ومجله

كثر ما اشقت الغربه مسافر راجعٍ ولهان"
"كثر ما حن لبلاده كثر ما فيه من عله

كثرما يبتسم طفلٍ نهار العيد به فرحان"
"كثر دمع السحاب اليا سقى خد الثرى غله

كثرما للوصل نبره يجاوبها صدى الحرمان"
"كثر ما صبري الموحش تعبت اسقيه وآعله

كثرمااحبك احبك شقاي وراحة الوجدان"
"غلاك اللي نهب قلبي ولا له حد ياصل(له)

فديت المبسم اللي لا تبسم ينطق الرمان"
"فديت عيونك اللي في هدبها تبتسم طفله

احبك وان رضى الراضي ولو هو يزعل الزعلان"
"واحبك كثر ما رمشك يصافح وجنتك ظله

حبيبي وقتي الماضي عرف وش قيمة النسيان"
"عرفتك وانجلى همٍ حجاجه دوم منفله

هويتك والبشر عندي عقب عرفك غدو سيان"
"وانا يا منوتي ماني لغيرك ملتفت لله

طلبتك كان لي قلبٍ معك ضايع بلا عنوان"
"اما نه تتركه ضايع معك ارجوك لا تدله!!

 

[صالح العرجان]

صباحك طِيْر ، ، ، لك هزّه الحَنين وبعثَره بُعدِك
صباحِك حلم || يتطهّر فـ عينك ؛ وأنعكِسْ مشتاقْ




صباح الناس للناس

 

[صالح العرجان]

.
.

تدري عقب , ما غبت , شـ إللي / أكتشفته ؟؟
أن أكسجين " الكون " .... يخنق : وريدي !

.

 

[صالح العرجان]

.
.

من كثر [ طيبك ] .. معاي ؟
خايف - أحسدني عليك !

.

 

[صالح العرجان]

.
.

[ صباحك ] ياعسل / زيّك .
- هوى صافي , و – براد غيّوم
تنهّض !! لعنبو حيّك
تنهّــــض : وش تبي بـ النوم ؟؟

.

 

[صالح العرجان]

انا ماامشي ورا غيرك ولو انه يطق الباب
وترا عيبٍ علي اطعن ولو كثرت سكاكيني

 

[صالح العرجان]

قلت : رحلتنا تبي سكر وترنيمة أغاني
.............قالت : هات الأغاني وأترك السكر عليّه

 

[صالح العرجان]

*
*

أحبك ليه أكررها وليه بداخلي تنعاد
........ لو أصرخ في هواك ألفين أحبك ماتوفيلك