* { رتُــــــوش } *

[حنان العصيمي]

بعدا الفكره
وبعدا الكلمه
ياريت بيمهلني العمر
وعيش بفيتكم كم شهر
قلتا وغصيت
وفلتت دمعه من عيوني
من لوني
منلون الماضي المغزول بريحه جدي
شايفتك وبعيوني الدنيّ
شايفتك ومافي درب يودي
بحكي كلمه
وببلع كلمه
وبلمح بسكوتك أيام
وبزرع شجرة وبحصد بسمه
مو قلتلي عيوني تشرين
وهالبلد شجره توت بيتغير لونو بس بيبقى توت !
عم نتغير ياجدي
بستحي قلك المخبى
راحت شروش العريشة
وتراب الارض عم يبكي
عم بسرق صوتي من الريح
وبضل بقول " منيح " !
آه يا تئبرني ياجدي
عم نزرع هالخوف
بذره بذره
عم نبكي ياجدي
مافي جناحات تدفينا
عم نكبر ياجدي
وعم يكبر الحلم
ختير ياجدي الحلم
ليش ضحكت عليّ وقلتلي
لسا بشبابووو !
بكره بيشمت فيني الشباك !
وبنساك
وبنسى ترابي
وبنسى حبابي
ومافي شي بيبقى ياجدي
غير رمادي وشقفة ورقة..!