صمت النهار

[زاهي التومي]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]تكتب لي الايام في صفحة الليل=واقرا عبارات الاسى و الكآبه
اقرا ولا افهم مشكلات البهاذيل=و السر اظنه في حروف الكتابه
ماني بفاهم يا عيون المحاصيل=امواج دمع ٍ تلتطم في صلابه
انهار دم ٍ يا ربوع التعاليل=خوذو بها طاروق عرف و صبابه
لا يا جبين الشمسفي غيبتك ميل=في غيبتك لون الظلام و حسابه
لا يا صحاح البيد لا تقفي الخيل=وجودها يعني شموخ و مهابه
ما يعني الشاعر حمام و مواويل=الا عنا صمت النهار و غيابه
يسكت و غيد المنطقه جالها سيل=و السيل جارف و يتبسم عذابه
لا يا محيط المعرفه ما بقى حيل=ماني بعارف عجّها من سحابه
افتح لها بيبان معنى و تاويل=واقفل لها شباك عينه لبابه
اقدح برمث القيل و العلم تحليل=وادفي عقول ٍ ما تميز نصابه
ترعد هجوسي و تّحدر تماثيل=واروي بها اللي هم الايام صابه
لا يا نهار اليوم ماهي تساهيل=وجه الليالي والضيا ما تشابه
وجه الليالي ما تشوفه ازاويل=ازوال واعني بعد ماهي قرابه
واخر كلامي في حروف ٍ مباهيل=ليلة وهم ما شفت نور الضيا به
ليلة وهم يا اهل الهوى و الاقاويل=تبطي وجيه المعمعه عن حسابه[/poem]

 

[أفنان الحربي]

كثيرا من الاسى / الغياب / الوهم والمعمعه اجدها هنا,

نص شامج وجميل جدا

صح لسانك واحساسك

 

[خلف المهيلان]

b]

التومي عذب انت
كلك
نص رائع ننتظر القادم والاجمل
حضور رائع
كن بخير وكماتحب
خ م

[/b][/QUOTE]

 

[عبدالله العويمر]

زَاهي
وأنْت زَاهي الحُضُور والحَرْف

نَص يَنْسَاب مِن كَفّيه النّبض

دُمْت بِخَيْر

 

[زاهي التومي]

افنان الحربي

أشبه بقطرات الندا هذا الرد الذي يفوح بالأدب


محبتي

 

[زاهي التومي]

خلف المهيلان

شاكر لك هذا المرور الرائع

و القادم اجمل

محبتي

 

[زاهي التومي]

عبدالله العويمر

ما عليك زود

و صح بدنكـ

شاكر لك مرورك العذب


تحياتي