و حـبـيـت

[سلطان الوثر]

في زحمة الناس الشقية .. تشقــَّــيت
واخذت درس وباقي دروس ودروس

ما اقول اخذت العلم كلّه وملّيت
صيد المعارف روّحت دونه نفوس

درست في صفّ المحبّة .. وحبيت
لكن تشارطنا على ( طيف ملموس )

من شان لاغابت وانا ماتمنيت
ابقى معه عن ( وحش الاشواق ) محروس

لكن غابت دون شرطي وناديت
من عمق جرحٍ وسطه الشوق مغروس

تمشي جذوره بين الاظلاع وازريت
لا اصدِّق القمرا على صبح محسوس

ماكنت احسب الصبح يبطي على ( ليت)
حتّى تنشَّر في تضاريس افينوس

يامعلّمتني سكة الدار والبيت
ماعدتي تحطّي على الباب فانوس

قرضتي بسنّي على مفارَقك ( بيت )
وامسيت لامصبح على غير هاجوس

انا تعلمت اكتب الشعر لا امسيت
وانتي تعلّمتي تسوي لي طقوس

ياليت شعري فيك (انا ويش سوّيت ؟
في كل صدفه لك على القلب ناقوس)

يالايمتــني لاتقــــولي تماديــــت
عينك وانا في زمرة النجم محبوس

لو تدري الجوزا على ويش حبيت
كان اتمنّى انّي على جِرمها آدوس