لـ الفكر بـ عيون القصيد اليا قريته شع / نور ..
.......................... وقصيدةٍ ... من دون نور الفكر / صك كتابها ..
.
.
والشاعر اللي مر من بين القصايد ... والحضور ..
.......................... ماله و مال الشعر .. والساحه يطقطق / بابها ..
.
.
للشعر دور / ولـ (الأدب) ياكاتبه / كلمه و دور ..
.......................... لو تفرضه / بك نرفضه والنقص قنص أسبابها ..
.
.
ماهو غرور .. ولادخل قلبي من الشهره / غرور ..
.......................... أدخلته بـ قلب الحروف .. وصابها ما صابها ..
.
.
أكسر جبر منهو جبر كسره .. على كسر الجبور ..
.......................... و أزعل به اللي مازعل .. الا لأجل / يرضابها ..
.
.
وأجبر كسر منهو كسر جبره وبيّن به / كسور ..
.......................... وأعجب به اللي نظرته ... محدٍ يحوز إعجابها ..
.
.
ماهمني ينقال لي / شاعر / ومشهور / و ظهور ..
.......................... و الشعر بذرة في قلوب الناس ... ما تحيابها ..
.
.
مغنيني الله / دون صيت الشعر .. والعلم مخبور ..
.......................... ما لـ القصايد غير حشمتها / وصدق إعرابها ..
.
.
ولاني على بعض البشر / لامن ظهر فيهم قصور ..
.......................... مجبور / والخمله شعاع اللي بغا ... وأغتابها ..
.
.
ولا كل شاعر / يستحق إعجاب غيري .. به أثور ..
.......................... ولا كل من نفسي تصفق له ... يعجب احبابها ..
.
.
للفكر بعيون الأدب / والشعر لـ القراء ... نور ..
.......................... وبـ عيون شاعرها يشع الصدق لا من جابها ..
.
.
فـ / فـ
الرياض
آخر المشاركات
10-31-2010, 02:36 AM
ماهمني ينقال لي / شاعر / ومشهور / و ظهور ..!!
العرض الشجري