[ رَصدٌ لِبَرنَامج شَاعِر المَليوْن ]

[شوق علي]

نصوص مشاركة :

على الله نتبـدي باسمـه وكـل الكايـدات تهـون
.. .. .. .. .. .. .. ولابـه مشكلـه دام اللحـى تحـمـي شواربـهـا
مادام أن الحقوق حقوق حسـب العـرف والقانـون
.. .. .. .. .. .. ..حقـوق النـاس تحفـظ دامهـا توفـي بواجبـهـا
ومـادام أن المقيّـم ماهـو بجكسـون ولاسيمـون
.. .. .. .. .. .. ..أكيـد انـه يمـيّـز بـيـن موجبـهـا وسالبـهـا
وأنا ماهمنـي البيـرق ولا أكبـر همـي المليـون
.. .. .. .. .. .. ..أنـا اكبـر همـي ان الذاهبـه ترجـع لصاحبـهـا
ياأهل الدين وأهل العرف وأهـل المرجلـه تكفـون
.. .. .. .. .. .. ..عـلام أمـة محمـد قـامـت تـوطّـي مناكبـهـا
وصارت جسر لأهل الكفر وأهل النقص وأهل الـدون
.. .. .. .. .. .. ..وجداهـا تلعـن الذلّـه وتبكـي مــن سبايبـهـا
بعـد ماكانـت تسطّـر فتوحـات وتـدك حصـون
.. .. .. .. .. .. ..غـدى مركـز إهانـات الخلايـق فـوق غاربـهـا
ثعوا فينا بنـي صهيـون ودكّونـا بنـي صهيـون
.. .. .. .. .. .. ..وحـن نشجـب ونستنكـر ولانـقـدر نحاسبـهـا
تصادر أرض يهتك عرض يموتون العرب يحيون
.. .. .. .. .. .. ..غـدت أخبـار عاديـه علـى الشاشـه نراقبـهـا
نتابعهـا متابعـة الـبـزر لمسلـسـل الكـرتـون
.. .. .. .. .. .. ..وردة فعلنـا نـقـول اليـهـود الله يعاقبـهـا !!!
الاقصى يصيح أنا الديّـان منهـو عيّـن المديـون ؟!
.. .. .. .. .. .. ..يـرد الدين وقولـوا للعـرب تحمـي مضاربـهـا
أنـا أول قِبلـة ٍ للمسلمين ان جــاو بيصـلـون
.. .. .. .. .. .. ..أنـا الإسـراء والمـعـراج شاهـدهـا وكاتبـهـا
يـاأمـة لا إلــه الاّ الله ، الله يلـعـن المـلـعـون
.. .. .. .. .. .. ..قولوا لـي ذا اليهـود اللـي بلتنـي مـن يحاربهـا؟!
وحنّا نقول يالأقصى يهود أخف مـن شـارون
.. .. .. .. .. .. ..وعلى عهـده جميـع شعوبنـا تاخـذ مطالبهـا !!!
عمى بعين العرب ليت العرب ماخلق فيهـا عيـون
.. .. .. .. .. .. ..وعمى بعيـن الجبـان اللـي حيـاة الـذل راغبهـا
ونقول إنّا اهل الوقفه ونقـول ان النّصـر مضمـون
.. .. .. .. .. .. ..ونقـول ان العـرب ماهيـب تطعـن فـي قرايبهـا
وحـن مابيننـا نغـزي بعضنـا ونغـدر ونـخـون
.. .. .. .. .. .. ..صحيـح أن العـرب ماعـاد تـدري وش مذاهبهـا
تضيـع السالفـه فالمشتـرى والبيـع والعـربـون
.. .. .. .. .. .. ..وتضيـع خيوطهـا مابيـن شاريـهـا وجالبـهـا
لكن تدرون منهو اللـي وفـا فـي كلمتـه تـدرون
.. .. .. .. .. .. ..ولـه وقفـه شهيـره باسمـه التاريـخ ناسبـهـا
وفا بلفـر بوعـده والعـرب ماحولهـم يوفـون
.. .. .. .. .. .. ..وحقوق النـاس ضاعـت بيـن صادقهـا وكاذبهـا




محمد فهد العرجاني