ضيــــــــــــــــــــــــــقة هذي الـ ....

[حنين عمر]

ضيــــــــــــــــــــــــــقة هذي الـ ....

--------------------------------------------------------------------------------

1
ضيقة هذي الـ منافي
وضيق الحلم القديم اللي انتعلته وقلت بعده : ريت قلبي ظل حافي !
ووااااااااسعة كلمة "أحبك" في شفافي

2
ضيقة هذي الـ مدائن
والخطا تاهت وتاهت في مسافاتي الحقيقه
والحقيقه إننا...
كلنا مزيج من المساوي والمحاسنْ
بس حاسبْ ...
الذهب - يا اللي تلومهْ - ما يصدي
ولا على تغييرألوانه تراهن ْ
فروق ها الناس : المعادن !

3
ضيقة هذي الـ مطارات البعيده
والكراسي الفارغة حولي تون من الفراقْ
والعاشقين اللي على يميني غفوا بصورة عناقْ
وعيني على طفل ٍ صحا في حضن أمه يبتسمْ
يذّكر القلب بـحلم كنت بزماناتي أريده ْ!

ضيقه الـ حسرة الشريده ْ
والفجر يبكي عليها
ويجمع أنفاسي بإيده.
لما اضحك في مدى صمتك وأحاول
أوهمك إني سعيده
وآني مخنوقة ....
بحبل صوتكْ يودعني بقساوة ضحكتكْ عند المرور لغربتي
ومن دمعتي...
يغزل قصيده !

ضيقه هذي الـ قصيده :
وواسعة كلمة " أحبك"
وضيقة هذي الـ مواني
وضيقة الدنيا على المرأة الوحيدة !

حنين