فقيـــــــــرة ؟ ؟ ؟

[عبدالعزيز سحل]

قاتل الله الفقر وقبّح الله غرور المال وطغيان اصحابه اللذين لم ولن يرتفعوا بدونه ؟ ولن يدوم طويلا وستقع شيوخ المال رأسً على عقب؟

اهداء الى من تمنيت ان اشاطرها رغيف الخبز وجرعة الماء ظارباً بالمال عرض الحائط... لكن.. هيهـــات ؟؟؟

اهداء الى من تنظر العزه الى هامتها بقلب السماء..فلن يحني الفقر تلك الهامه الشامخه ..

إمرءة ليست كـ... النساء ..؟؟؟.... معذرةًيآااااااااااااااااااا أمــــــــــــــــــــي ؟

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نعم يا عنفوان الماء وياعزة صهيل الخيل=عطيني الفاس ابمسكها الين تعرق ايديني
ابحفر وازرع بصدر الثرا نورٍ ينير الليـل=واذا ماطاوعت يـدي ابقطعهـا بسكينـي
اذا كان الفقر مثلك هلابه وأعشقه بالحيـل=اذا كنتي معي جنبي رغيفة خبـز تكفينـي
فلاعاب الفقر قبلـي نبـيٍ كلمـه جبريـل=رعى فيها الغنم والله اصطفاااه يعلم الديني
ولا عاب الفقر هاجر وطفلٍ يبكي من الويل=دعت يالله نبي عطفك أنا والطفل تسقينـي
وثار الماء تحت رجله لبدواان تجي وتشيل=سقاه الله وغاث أمه وبدل عسرهـم لينـي
واذا كان البنات اقفن زمان بمترف التدليل=اذا قالن فقيرة حال قولي وش لكن فينـي
اذا كان اللبس منكن تحكمه معطيات الجيل=أنا لبسي من أنواع الزهر أحلى فساتينـي
واذا كان العطر منكن دخل في عالم التحليل=أنا عطري سمن بري وورده مني وفينـي
واذا كان الفكر منكن غزاه محرف الأنجيل=أنا فكري ومبداي ومعي قـرآن يحمينـي
نعم ياالغالية قولي وقولك ما يبـي تعليـل=عرق جبين ماجف اعتبره اكبـر براهينـي
ياحلو اللقمة المره عرقها بالجبين ايسيـل=تجي مثل العسل واحلى تعبها ما يعنينـي
اطارد لقمة العيش بكفااح من الفجر لليـل=واجي والخير في يدي وريح الخير تحييني
واشاطرك الفرح واذبح زمانٍ بادرك بالميل=واحط ايديني بيدك اليـن تعـرق ايدينـي [/poem]