مـآقدّ ســمـ ع ــت !

[فهد المالكي]

بسم الله الرحمن الرحيم

إليكم جديدي , ولكم تحيّــآتي وخالص ودّي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إن كان باقي لك على البعد مصلوح = الله يجعل كل خطوه سفيره
رح لين تشبع بعد وتملّك جروح = وتعلمك دنياك ضرب الشطيره
ماقد سمعت ان الحمامه لها نوح = تبكي على اطلال القُرى والعشيره
ماقد سمعت ان المسايير بتروح = وتبدّل الحلّه بمربى وديره
ماقد سمعت ان الذيابه لها روح = تخاف من خبل نقل له ذخيره
ماقد سمعت ان العصافير والدوح = تعيش ع الساقي وهو جف بيره
ماقد سمعت ان الوفا صدر مشروح = شال الطعون وتضحياته كثيره
ماقد سمعت الكيّ للداء مسموح = لاصار معلوله بحاله خطيره
ماقد سمعت ان الشعر روضة البوح = وانّه بحور وحظنا في غزيره
بس الاكيد إنّك سمعت أن به لوح = عند الذي يعلم خفايا السريره
مكتوب تبعد وانت بدنيتي ضوح = بعده تعتّم في عيوني المسيره
وان كان ردّك للقـا صوت مبحوح = ناداك لين النوم حارب نظيره
تلقى بقلبي باب رجعتك مفتوح = ما قفلته سنين مرّت غبيره
تلقى وريدي شارع كله صروح = اسكن وخل القلب يملا غديره
وان شفتي ان البعد فيه مصلوح = الله يجعل لك حياة سفيره[/POEM]