أوراق فاتها قطار النشر و للتوّ تنشر

[عبدالعزيز رشيد]

عندما نجد الـ همّ حبرا

,
,

بسم الـ إله اللي خلقني
بسم ربي اللي رزقني
ابتدي يمه
وارسل لك رساله
ترسم الحاله
انا يمه
بنعمه .. لو انا بوحده
انا يمه .. انا
مرزوق .. او مخنوق
اسمي دوم هو مرزوق ..
آه يمه
اذكرني شايل منك وصايا
من عيونك من كلامك
من حبيت ومن مشيت
ومن عرفت ان البشوت السود
نورن يلثمه عفة بياض موشحه
ذيك الوصايا باقيه ..
فيها بقايا
ذيك الوصايا
راسخه وسط الحنايا
بسّ يايمه تعبت احمل سكوتي
وشاقني اشواقي لصوتي ..
فاسمحيلي ابتدي بهذا الكلام المنتثر
"
تعبت اجامل صورتي
تعبت اداري حالتي
تعبت من الوهم والمجتمع
ذيـك الصور .. ذيك البراويز
الغريبه والعجيبه
والكريهه
غرفتن سكانها اواهام وخديعه
شفتهم وسط الكذب
واعرفتهم وسط الكبر
اذناب اوهام العمر

ياكم اردد وقتها :

يالله من دنيا خذتنـا تعابير
...........يوم ارسمتنا في وجيه السفاهه
ياوجهنا الغلطان صرنا مخاسير
........صدق الوجه وسط الملامح متاهه


يمه
شهاده قلتها ....
ذولا
هلايم
..............أو
بهايم
..............أو
عدايم
آه يـــمه
أو ..
أقول ...
استغفر الله العظيم ..



توّني لقيت لها ظرف وطابع