في زمن لا يرحم
تصبح الطفوله
هي ذنب
والبراءه
هي
ثمن
ويموت الاحساس
ولا تبقى سوى دمعه
ونهايه حزينه
""
""
""
الدمعه
يا يمه من تشوفيني احس تسيل هالدمعه
***** تزود حملي الجبالي على جسم" غدى مشلول
تبعثر فيني احساسي ولا اقدر على جمعه
*****ولا اقدر سوى ابكي واوقف عاجز" مذلول
تهد من حولي امالي وجرحي غصب" اتبعه
***** و يذبحني وانا ضايع بدرب" غامض" مجهول
وتموت بعيني احلامي وانا ادور على شمعه
***** تنورظلمه دروبي بطفل من الصغرمقتول
تصحي ونة اوجاعي وتخلي الضيق لي متعه
***** اشاهد به امل بكره ولوليلي عليّ يطول
وهذا الدمع لوغالي أنا اسال متى اودعه
***** واشوف الفرحه بعينك وحبل" باللقا موصول
دموعك ودي احضنها وبي تصبح مثل قطعه
***** تسليني ولو مره وتخمد سيفها المسلول
تعيد الفرحه بشفائي وحزن" احاول امنعه
***** ولو كررمعاناتي مع غيري وسوى فصول
وبي قصه طفلا عانى بدايه اشهره السبعه
***** سبب غلطات دكتور" قرع للموت فيه طبول
طفل من حلمه الفطري يجي يلعب مع ربعه
***** يكسرفي يدينه العابه ويصيح بها مهبول
طفل يرضع من احزان" ولا يلقى بها شبعه
***** وهو يحلم بمستقبل ويصحى بعد ذا مذهول
يايمه قولي للدكتور وش اللي وقته يردعه
***** وليه ما ذبحني يومها حتى الهموم تزول
يا يمه اساليه .... الباب لويقفل على صبعه
***** ويلقي دمعه بعينه وش اللي بعد ذا بيقول
وجى مسئول المستشفى منافق والكذب شرعه
***** يقول نعاقب الفاعل و نفصل منهوالمسئول
وش يفيده ملامه هو وعنده (الف) الف خدعه
***** ويوصيهم ثمّ يعيب وهو دايم وراء مشغول
يايمه دامني راحل وادري الوقت ذا طبعه
****** وان الموت حق ودنيتك .. شايل مع مشيول
واصبح حي عند الله يا يمه وانتي مقتنعه
****** اوجه كل اقدراي من الرب (برضا) .. وقبول
واذا اسالوا وش اخباري قولي خانته دمعه
****** ومات بداخله طفل" وقولي بعدهالا حول
تحياتي وتقديري ..................
اخوكم .. (( محمد العنزي ))
(( بو نواف ))
آخر المشاركات
08-11-2006, 11:31 PM
مصافحه اولى ..... الدمعه
العرض الشجري