[ 27 أغسطس ] ورقة اولى الى بياض قلوبكم

[ناصر السميّح]

في البدء أشكر هذا المكان العامر بالبياض



الإهداء ..
إلى 27 أغسطس من كل عام ..
[poem=font="Simplified Arabic,4,deeppink,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
توّ المدى يصفي عتامه لعيني = توّ الصباح يهلّ باجمل زهوره
زهرة غــــلا ربيتها في سنيني = حلمٍ جميل وعشت حتى ظهوره
نوره عبيرك جدّد العطـر فيني = قالوا قصيد وقلت ذا وجه نوره
الشعر مابه عهـــد بينه وبيني = يزورني فـ احيان وأحيان أزوره
ويومٍ لفيتي صار شعري ظنيني = أشتاق له وافرح بلحظة حضوره
وانتي جميله حاولي زلزليني = تبسمي ينهض لي الشعر (ثوره)
تدللي مدّي يديــــك وخذيني = في جنــــة الأطفال روحٍ وقوره
محتاج أرد لذكرياتي حنيني = يوم المسافه حضن (جده) صبوره
يا أجمل ايامي بعــد جمليني = وجهك بعصر القبح هذا ضروره
ما مرّ طفله في جمالك بعيني = انتي لحالك أصل والكل صوره[/poem]