خد الورق .. ثوره !!

[محمد العوّام]

[poem=font=",6,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يزمجر الضيق فيني لين يتركني=اخط حرفي علي خد الورق ثوره
ياهيه ياللي مقاس الطيب مايثني=عزمك كأنك تبي سلطه للدستوره
ماضيع الناس كود افلان وش يبني=كأنك نطحت الجبل .. حيلك علي طوره
كم قلت لك اتركه ظنك على ظني=لكّن راسك يبس .. والناس معذوره
الا القساء والظليمه ماهي بمني=ولني مبدل بثوبي لبس كندوره
عريب جد وعرفت الوقت وش يعني=ولا فيه طيب" سبق مع طيب اخو نوره
تكفي المآذن ويكفي الدمع ياهني=ياهن ابن هن خل الحال مستوره
مجابه الخلق شر وكلن .. يغني=مواله اللي بغى يمشي علي شوره
(غزلان) قال البدو عجله ولا تشني=ماذمهم فعلهم نور" بديجوره
صدو وضدو وقالو مابها منّي=الحق للي نشد يسطع بها نوره
ماقل دل وعلي النيشان يالمعني=راكان يكفي عن الصامل لمكثوره
مدح بها لابة" منها وهي مني=للحصن تزبن ولا لك فالبحر خوره
مير اقضب العلم قبل تقول يبهتني=وتهرج النفس وتقرا للفلق سوره
الضيق زمجر وعى الضيق يتركني=الين خد الورق اشعل به الثوره [/poem]