شعر : محمد الزهراني
وانا..في حالة تغني
وقبلما يشوفك..صباح
...وقبلما هذي الشفايف
.... ترسم
الدهشه..تثني،،
قبلها يمكن حظنتك،،
**** ***** ***
صدقيني..
مدري في هذا الصباح..
من قدر ياخذك مني؟
سهره البارح!
هوى بيروت!
فيروز.....!
الاغاني!
المهم اني وجدتك.،،،
****** *******
يالله...استرخي على صدر السوالف
قبل ما تصبح كلام،،
يالله استرخي على الاشواق لحظه
يالله استرخي....على عطر النفس مثل الحمام
ماحبك يالكلام
اللي سبقت انفاسها،،
****** ***** ******
يكفي في هذا الصباح..
اني شاكست النعاس ..وضمني داخل ذبولك،،
يكفي في هذا الصباح
اني..قاومت البحر،،
البحر ياخذك مني،،
مابقى غير السفر.....
قاسي ودرب امتحني،،
السفر ما عاد احبه،،
السفر ياخذك منيّ،،،
**** ***** ******
يكفي في هذا الصباح..
اني همّشت الفصول
..وصرت انا اجمل فصولك،،
حتى شعرك....
شعرك المقصوص...
عاهدني بيطول...
رغم صيحات الرياح،،
*********************
لا تقولي شي...في هذا الصباح..
كافي انفاسك تقول،،
ثاني يوم
وما احبك يالكلام اللي خذلت انفاسها،،
ومن قبل يومين في العام اللي راح
كنتي ودعتي الشتا!!!
يعني
اهديتي الشتا
خصلات شعرك!!
اه منك
حتى شعرك صار في حكم السفر
ولما يرجع
يمكن يجيني بدونك؟
*** ***** ******
ثاني يوم
وشعرك المقصوص يطلبني السماح...
انتي حره
انتي حره
في فصولك
في جنونك،،
** ** ** **
ثاني يوم..
الحلم وافي
ولو خذلك ونام ماغمض عيونك..
واختصر صيف الشفايف
في نفس دافي
وتنهيده جريئه..
............سافره
............لكن تخونك!!،،
**** ***** ****
ثاني يوم..
وللكتابه في جبينك حس ثاني..
ثاني يوم
اكتب ذبولك..
والجميل اني وانا اكتب
اكتب بصدق
واعاني،،
**** ****** ****
لا تقولي شي في هذا الصباح..
...........انتي حره
...........انتي حره
...........في
............ذ
............ب
............و
............ل
............ك،
بيروت
2000-----
آخر المشاركات
08-30-2007, 08:58 AM
فيروز..الأغاني
العرض الشجري