منال الشريف

[عطاالله ممدوح]

:

.

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يعني وش يصير لو ساقت منال الشريف=بيوقّّـف الكون لاساقت على شانها
تسوق عادي!! مادام الوضع ماهو مُخيف=ان كان راضين عزوتها و شيبانها
المسألة كلها حكم القوي للضعيف=رسالة ٍ واضح ٍ للناس عنوانها
ياراعي الشان والعقل الرزين الحصيف=الموج هز السفينه وانت ربانها
والمهره اللي لاهي جامح ولاهي عسيف=من يمسك عنانها لافكت عنانها
كل الدعاوى ضعيفه والمبرر ضعيف=ومايردع النفس إلا قوة ايمانها
لوكانت المسألة حاجة ومطلب شريف=ماعارض احدن على الفكره ولا ادانها
مبطي تروح المره وتسوق على الخفيف=لكن بحشمه وادب لا غابوا اعوانها
مابثـّـت صورّها للناس فتنه وزيف=ولاسولفوا في عبايتها وفستانها
قولوا لبنت الخبر وايضا لبنت القطيف=وش فايدة نشر صورتهن مع الوانها
رحمتك يالله بنا والطف بنا يالطيف=من كل فتنه ومشعلها وشيطانها
[/poem]

عطاالله ممدوح

 

[عبدالله صلال العساف]

كل الدعاوى ضعيفه والمبـرر ضعيـف

ومايـردع النفـس إلا قـوة ايمانـهـا

اختصرت المشكله ...ان كانت مشكله

وحلها بهذا البيت

قصيده جميله

من شاعر اجمل

 

[فرحَة النجدي]

مبطـي تـروح المـره وتسـوق عـلـى الخفـيـف
لــكــن بـحـشـمــه وادب لا غــابـــوا اعـوانــهــا
مــابــثّــت صـــورّهـــا لــلــنـــاس فــتــنـــه وزيـــــــف
ولاســولـــفـــوا فـــــــــي عـبــايــتــهــا وفـســتــانــهــا

أي و الله صدقت .
غير أنهم طالبي شهرة لا غير ، لينفعها من جرها لما ذهبت إليه .

شكرا لك يا عطا و صح كلك

 

[فهد الغبين]

عطاالله

نص يحمل فكر فشكرا لك يابطل

 

[بندر الصقر]

قلت الكثير يا عطالله ,, صح لسانك وألف شكر لك .

 

[سكون]

الله يهديها / جنت على نفسها وغيرها بسوء التصرف والتدبير


قصيده وافيه وصح فكرك

 

[احمد المنتشري]

رحـمـتــك يالله بــنــا والــطــف بــنــا يـالـطـيــف
مــــــن كــــــل فــتــنــه ومـشـعـلــهــا وشـيـطـانــهــا


اللهم آآآآآمين يا عطاالله

نص جميل ويناقش موضوع مهم جداً
صح اللسان وسلم البنان وجاد البيان فاضلي

ارق التحايا لهكذا طرح

 

[نواف العطا]

عطاالله
فكر ووعي وشعر جزل لله درك ياجميل
ولك كل الشكر والتقدير .