الذيب ووجه الفضيلة

[ماجد الزيد]

[poem=font=",6,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
ارق الطويلة وارفع عـواك ياذيـب=خل العرب تهتاج لعواك ليلة
مزّع سواد الليل باقسى المخاليـب=يمكن يجيب الصّبح وجه الفضيلـة
إن عشت تلقاني بعـال المراقيـب=ون متّ انا يا ذيب . من بتعوي له
ما جاوبك بعدي شنيع المضاريـب=اللـي علـى يمنـاه اركـى قبيلـه
اتخيله القمرا ويختالها الشِيب=و سود الليالي تحت نابه قتيله
عزيز نفس ٍ ما يدوّر مكاسيب=عواه حرّن والغذاء بقوّ حيله
ولاّ الغنم تعلف بظلّ المشاعيب=والذيب بديار الغنـم . عزتـي لـه
دار ٍ تساوي بين عصْم الشواريـب=وبين الهلايـم ذيـك .دار الفشيلـة
ياذيب كم رجْل ٍ كسى راسه الشّيب=ماحط له مربع براس الطّويله
ورجل ٍ يشوف سهيل فيه المطاليب=تلقى الثّريا نازله في شليله
يشوم عن قاع الرّخوم الجلابيب=ما شالوا الي كتوف قلبه تشيله
لا عرّفوا حقّن ولا عيّبـوا عيـب=والطّيب صاير عند احدهم وسيلـة
وحنّا جِبلْنا طيب والتربيـة طيـب=وفرعون ما حشّم هل الطيب نيلـه
طاغوت عصره بالغباء والأكاذيب=ورّد مصر للنّار من قوّ ميله
ولا أنت ما يدخل على قلبك الرّيب=و خيرات مصر بعين يوشع قليلة
ما شفت من يقنب معك بالمكاتيب؟=يا قوّة الله لا عوى بالجزيلة
همّه يسوق الناس يم عالم الغيب=والخلق تروى من العدل / سلسبيله
صحيح شاف الجور وقد ذاق تعذيب=بس الصّبر زاده وجدّه دليله
يشهق على شمّ الشّواهق بترتيب=وفيه الجلد سبعة , خيول ٍ اصيلة
وحده/ ولا رفقة عقول ٍ مجاريب=خالي/ ولا زحمة نفوس ٍ ذليلة
موته/ ولا سطوة يدين الأرانيب=سمّه يسوس الرّوس روس ٍ عميله
راسه / مع الجوزاء ورجله على النّيب=و عزّة كوى كبود الدلابح بجيله
يا ذيب هذا الوقت وقت الألاعيب =مكر الحصاني سيطر بكل حيله
تنزل على اللحية وتنزل لاشانيب=متقصّفات ٍ خوف موس الهبيله
الوقت هذا / لا يودي ولا يجيب=منّه على كبود الذيابه / مليله
الحق غادي والمبادي / مناكيب=وموت الفتى فدوة / لعين الجليلة
(ويا ذيب انا بوصيك لا تذبح الذيب)= لو مات منّك وين / تلقى بديله[/poem]

 

[الجفول]

يشهق على شمّ الشّواهـق بترتيـب

وفيه الجلد سبعة , خيـول ٍ اصيلـة

وحده/ ولا رفقـة عقـول ٍ مجاريـب

خالـي/ ولا زحمـة نفـوس ٍ ذليلـة

موته/ ولا سطـوة يديـن الأرانيـب

سمّه يسوس الرّوس روس ٍ عميلـه

راسه / مع الجوزاء ورجله على النّيب

و عزّة كوى كبـود الدلابـح بجيلـه

يا ذيب هذا الوقـت وقـت الألاعيـب

مكر الحصانـي سيطـر بكـل حيلـه

تنزل على اللحيـة وتنـزل لاشانيـب

متقصّفات ٍ خـوف مـوس الهبيلـه

الوقت هـذا / لا يـودي ولا يجيـب

منّه علـى كبـود الذيابـه / مليلـه

الحق غـادي والمبـادي / مناكيـب

وموت الفتى فدوة / لعيـن الجليلـة

(ويا ذيب انا بوصيك لا تذبح الذيـب)

لو مات منّـك ويـن / تلقـى بديلـه

</b></i>

الأخ الفاضل ماجد الزيد

ونص رائع جزل ذومفردات قويه ومؤثره خصوصا بانه يذكرنا بشالح بن هدلان القحطاني وقصيدته المشهوره والتي منها

يا ذيب أنا بنخاك لا تأكل الذيب

كم ليلة عشاك عقب المجاعه
كم ليلة عشاك حرش العراقيب
وكم شيخ قومن كزته لك ذراعه

صح لسانك وأعتلا شانك

تحياتي

 

[نواف العطا]

ماجد
وهذا الشعر ماجد وشامخ فيه من الحكمه
والقوه ما يطرب فلك كل الشكر ودمت بود .

 

[ظافر الهرمسي الهاجري]

الوقت هـذا / لا يـودي ولا يجيـب ...... منّه علـى كبـود الذيابـه / مليلـه

صح الله ألسانك يا ماجد

لا هنت

 

[ماجد الزيد]

الأخت الفاضلة الجفول

صح بدنك
واشكرك على المرور

تقديري

 

[ماجد الزيد]

الأخ الفاضل

نواف العطا


صح بدنك
واشكرك على المرور

تقديري