بعد التحيه والسلام
لقلوبكم المتشجرة حبا
من عادتي ماأرتجل بس الشعر رَجل الكلام
......... شفت العنود المشمسه..متظلّله جنب شجره
صدحت : ماودك أجي واتسلّـق جذوع السلام
....... لا مابي اكثر من ( عليك الما ورحمات الذره)
أخاف أتسلـّـل لعطرك..تصبح اقدامي غمام
....... يمكن من اللهفه أوقـف لك ويركلني امْطـره
إن شـفـت دبلة عش فـ اصبع غـصـنك..ابكي يامدام
........الاول يظـنّ اصـفـره...والثاني يخـيـب اخضره
ياصامته..يانابته..في تربة اللا إلتــزام
.......راي الندى ماحرّك براس ابتسامـْـتك ازْهـــره
يافـارعـه يابارعـه في جـدولـة عمر الظلام
........يكفي يصير براحتينك..أطول الضي اقصـره
خـضـّـبتي كفوفك وسيـّجـتي الحديقة إحـتــرام
.........علمـيـّاً : يزيد ( كلوروفيلك ) ورَقنا مسخره
ياملعقة هالريح أقوى..حرّكي..أيوه ..تمام
.......أثر الفضا كاس امتلى بـ شاي الشعر..ياسكّره
المشهد احلى..زاح عن وجه التغاريد اللثام
.........تستطعمك وتحس بـ اصبوحــاتك المتخمرّه
فـلّي تراجيديّـتـك..بهديك كربون الغرام
........واعفي عن انـفـاسي مادام ان اكسجينك مقدره
صاحت وقالت وش تبي بالضبط ياولد الحـ(غـ)ـام
..........أنا ابتسمت وقلت : آسف ياشجره جنب المره
إن طارت لـ بارود لثغتها عصافير وحمام
...........أنا بدل ( صحّ الله لسانك ) تطيح لْي اثــْمـره
,
عبدالعزيز فهد
آخر المشاركات
04-03-2007, 12:17 AM
رحمات الذره
العرض الشجري