إلاّ مخطي ... !!!

[مشعل دهيم]

مصافحه أولى ونص لن يكتمل

شكراَ قايد الحربي

.................................................. ............

إلاّ مخطي !!!

في غيابك حيل مخطي ..

والخطى راكبك من وصلك لهجرك ..

ليه غبت ؟؟؟

وكيف قلبك طاوعك إنك تغيب بلا وداع ؟؟

قول لو كلمة وداع وغيب عنّي *** عمر ماكان الغياب بهالطريقه

ليه غبت ؟؟

وكيف قلبك طاوعك تنسى سهرنا والّليال المفعمه بالحزن والبوح وغناويّك وشعري

والكلام ....

وفلسفتنا .. حول مفهوم العلاقه !!!

هي محبّه أو صداقه !!!

ليه غبت ؟؟

وأنت تدري .. بالسّهر له طعم ثاني ماأحسّه إلاّ لمّا أسهر معاك..

ليه غبت ؟؟

ومادريت شصار فيني في غيابك ..

في غيابك ..

السهر .. أصبح مراكب من غياب !!!

ماتعرف من المواني .. ألاّ ميناء الإغتراب !!!

والشعر .. أصبح عذاب !!!

وفي غيابك ..

سنبلة عمــري عــثـت فيـهاـ المـنـاجــل ** وفي غيابك .. ماغفى جفن وهجع

وفي غيابك .. صرت أشوف الحزن زاجل ** كـل مـاطــيـّرتـه لــصـدري رجـــع


وفي غيابك ..

كنت مخطي .. حيل مخطي !!!

والخطى راكبك من وصلك لهجرك ..

بس أنا طالبك لا لاتعتذرلي عن غيابك ..

إنت دامك جيتني جيّتك عذرك !!!

إنت دامك جيتني جيّتك عذرك !!!