.
.
هو المنفى
ولو قالوا وطن ثاني
ولو قالوا رفيق العزلة الاوفى
هو المنفى
طريق العودة الموجع إلى ذاتك
الى ذاك الغريب اللي تعرفه
يجمع اشتاتك
إلى أوّل تبرعم كان في صدرك
قبل تورق وتثمر دمعتين وْ آه
هو المنفى:
من أول ذكريات الريح
إلى آخر امنيات الشمع
زرعك يدين للتلويح
وقال الحرف صنو الدمع
وتتسائل بعد ما تطيح
وش المغري بهذا الجمع؟
ويتلاشى وهج هذي الكفوف اللي: تصفق لك على جروحك
ويتلاشى وهج هذي العيون اللي: تربت لك على روحك
تعود لعزلتك خالي من الـ الله ……. والتصفيق
ويتنفس وجعك اللي حضنته
في ضلوعك ضيق
ويتساقط ورق توت الكلام اللي: خصفته عن
حزن يعرف تفاصيلك
سهر ليلك
مواويلك
مراثيك الحزينة وانهياراتك
حبيبة عمرك اللي ضاع
هو المنفى:
قبل تعرف حدود الربح
قبل تعرف خساراتك
هديته نجمتين وصبح
هدالك انكساراتك
هو المنفى :
ولو قالوا وطن ثاني
هو المنفى .
هو المنفى…
هو المنفى ..
وانا المنفي !
آخر المشاركات
12-27-2021, 09:55 PM
منفى ..
العرض الشجري