{ طــــريـق الحـب }>>>

[مبروك بن ماضي]

http://www.mixq8.com/uploads/uploads10/triq.jpg

(طــــريق الحـب)
*********
على نفس الطريق اللي مشوا به قبلي العشـاق
مشيت أسابق الخطوة وأمني القلـب باحبابـه
00000
وانا ادري ان هالدنيـا طبيعتهـا لقـا وفـراق
ظروف الناس فيها في كثيـر أحيـان تتشابـه
00000
ولكن من يصبرني على جـور الزمـان العـاق
جروحي هي وآلامـي وتعذيبـي مـن أسبابـه
00000
حبيبي كلما همتنـي الدنيـا وصـدري ضـاق
تذكرتك لقيت الكـون أوسـع واكثـر إرحابـه
00000
فرحت وقلت لابد من نهايـه للفـراق الشـاق
ومات اليأس من كبرالأمل لي صرت أناأحيا به
00000
حبيب الروح كل مالاح لي مـن يمكـم بـراق
خفق قلبي وحسيـت إن شوقـي والغـلا ذابـه
00000
على حبك ينازعنـي قصيـدي واسـأل الأوراق
لك الله مابقي دفتر خلـي مـن شعـر وكتابـه
00000
وهذي حالة المغـرم إذا هامـت بـه الأشـواق
يدور له على مـن يبلـغ المحبـوب باعجابـه
00000
حبيبي وإن تفارقنا غرامـك يسكـن الأعمـاق
ولكن لي سـؤالٍ ينتظـر مـن عنـدك إجابـه
00000
بربك هل مثل ماشتاق لـك ياسيـدي تشتـاق
إذا جبت إبنعم ولا خسـارة عمـر عشنـا بـه
********
أخـوكـم ومـحـبـكـم / بـن مـاضــي