مجاديف الأمل

[مروان الحربي]

ماهو الطريق اللي طويل .. ولا ضاع ضيك في ظلام ..

لا صار في بحرك دليل .. بوصل شواطيك بسلام ..

حبيبتي .. حبيبتي ..

تعبت مجاديف الأمل .. تصارع أحزان وشتات ..

بحرٍ بلا شط ورمل .. وأمواج في كل الجهات ..

تعزف نغم روحي ملل .. لحنٍ فقد معنى الحياة ..

يرسم ملامحك الرحيل .. وهموم في صدري زحام ..

ناديت ..

صوتٍ شرب مر الصبر .. ملح المدامع والبحر ..

ولا به صدى ..

يعانق حدود النظر .. طيفٍ يخايلني ظهر ..

بأقصى المدى ..

ثم اختفى .. ما به وفا ..

ماخذ من أوصافك قمر .. وماخذ من أطباعك جفا ..

وقلبي غدا قارب حزين .. هايم على وجه السنين ..

مجداف .. بهمومه غرق ..

ومجداف .. بعروقه جفاف ..