وحش !

[سعد المطلق]

يطول الصبر في صدر الحزين ويمتلي به كاس
.........................يفيض وكل دمع من عيونـه يـا وطـن يشـره !

ترد الباب في وجه الجروح وتحكـم التربـاس
.........................وطن دامك حظنته ليه ترمي به على الحسـره

ذبحته وانتثر صوته شمال وضامـه الهوجـاس
.........................غدى صدره كفن راحت بـه الاحـلام منقبـره

نما بك طفل ينبض بالحيـاه وشاعـر حسـاس
.........................يبي يكتب غلاك وشح في دمـع القلـم حبـره

سهر ليله على جمر العذاب ولا غشـاه نعـاس
.........................تكاثـر صـدت الام الحنـون وبحـة النـبـره

وحش لا تنحني لا قسى الظروف ولا يقل الباس
.........................تعلـق بالعزيـز ولا يهمـك وطيـت الجمـره

ولو تشكي عروقك من جنون المهزلـه يبـاس
.........................ترى المسلم متى ماطـال ليلـه زينتـه صبـره

انا اشوفك تعبت وكل حلمك حطمـه قرطـاس
.........................ولكـن الجمـل ماطـاح حيلـه لوفقـد بكـره

يطير غبارمن وجه الرمـال ويظهـر الالمـاس
.........................بقى العالي مكانه هـو مكانـه مانقـص قـدره

أجل ماتدري انك ماانت وحدك خابر لك نـاس
.........................متى ماضقت من هـم الليالـي هلـت العبـره

لنا العقله ولو مال الزمـان وشحـت الانفـاس
.........................ولو تلعب بنا جـرد السنيـن ونـارد الكسـره

وحش طير وحش يكفخ جناحه مارمـاه اليـاس
.........................وااشوف الطير عود للمكـان ولا لقـى وكـره !