الـصـوت

[محمد الزويد]

السلام عليكم و رحمة الله و بركاته


[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الصوت يذبح لا غدى الحس دافي=وانا ابتليت و بلوتي في دفا الصوت
صوتك يذوبني وانا فيه غافي=ادمنت صوتك اسمعه يا حلا التوت
ما قد سمعت بروعته صوت صافي=فيه الخجل يا منوتي لاتني لوت
ياليت كل يوم اسمعه دوم لافي=بيني وبينك حس ما يوم بيفوت
بكلمك كل يوم و احكي الخوافي=اوصف لك احساسي وانا فيك منحوت
ودي تغني لي جزيل القوافي=تعال سمعني غناويك ببيوت
من هيبتك بالروح شوف اختلافي=مره معك احيى و مره بك اموت
كامل جمالك من \ الى يا السنافي=متميز و كل الحلا فيك مثبوت
اذا بتنام و نور غرفتك طافي=عندي وصيه قبل لا ينعس الصوت
قل للمخده تحْت راسك عوافي=نايم عليها خد يستعذب التوت
[/poem]

 

[ظافر الهرمسي الهاجري]

صح الله ألسانك يا الزويد

روعة وكل ما تقدمه روعة

تقبل مروري وتحياتي يا شاعر

 

[أمجاد محمد]

هذا النص لذيذ جدآآآ
ممتنه لهذا الجمال

 

[منتهى القريش]

شكراً للصوت اللي كان سبب الإلهام وعذب القوافي ..

وصباحك صوت من تحب ..

ود وورد ..

 

[بدرية البدري]

محمد الزويد ..
ليس كاي صوت ذاك الذي يستعذبه الشعر

زهر

 

[تفاصيل منسيه]

محمد الزويد
و
أبيات تقطر عذوبة
وتختال جمالآ..راقت لي
فـ صح لسانك ملآيين يالشاعر
تقبل مروري
كن بخير

 

[شقران الزيادي]

قل للمخـده تحْـت راسـك عوافـي

نايم عليهـا خـد يستعـذب التـوت

عوافي عوافي عوافي يا محمد زويد /..
يا حبي لك يا ابو زويد
عذب وحضورك عذب وطرحك أعذب
آسر هذا النص يا صديقي ، ويحرض على الدفء

محمد لك نكهة تشبه طعم المطر
لك وجهة بالشعر تشبه الشمال شامخة بكل تفاصيلها

 

[صبــــا الجهني]

من هيبتك بالروح شوف اختلافي=مره معك احيى و مره بك اموت

عذب هذا البوح..
صح لسانك شاعرنا..