(الطيب وهوايل الدنيا)

[خالد مفلح الدعسان]

مسائكم عطر ..
لربما يطول الحديث كثيرا ،، عندما يكون في الدنيا
واحوالها ..
ولا يمكن لنا حصد الكثير ولكن يمكن لنا طرح بعض المشكلات الاساسيه
التي تتفرع منها الكثير من المشكلات

كما قلت يطول الحديث .. فدعوها تحكي لكم

الطيب بيت ٍ يدهلـه كـل ضرغـام

وما كل رجل ٍ فيه نـاش السمينـه

رجل ٍ ينصّب له عقب فعله اعـلام

واللي مثل شـرواه تسلـم يمينـه

اليا نخيتـه مـا توانـا ولـك قـام

والوضع ما حسّب لزينـه وشينـه

يفداه منهو لجملـة الخلـق لـوام

اللـي رداه مـطـاول ٍ والديـنـه

يهرج وفعله مـا تحققـه الاحـلام

والحيف كـل الحيـف بمصدقينـه

ياوقت ما عـادت هالايـام الايـام

وضع ٍ مضى يالوقت محلا سنينـه

اللي به الايتـام مـا هـم بالايتـام

يوم انها قلوب الصخـا حاضنينـه

اللي يسد بغيبـة ( الأب ) الاعمـام

والعمر في سوق الرحـم صارفينـه

ما هو بوقت الحين في دار الاحكـام

أخـو ٍ بيـد اخوانـه امحاكميـنـه

وإلا خبيل ٍ سلم الشور بـ( حكام )

مملـوك للزوجـه ودايـم تهينـه

زول ٍ وشكل ٍ مار من ضمن خـدام

وليا لفـى لاهلـه عقـد حاجبينـه

هذا وجوبك تدعس تحـت الاقـدام

ويا حيف باثباته ( ذكـر ) كاتبينـه

والا هنوف ٍ قصرت قطعـت الخـام

والعذر عصر الموضـه امواكبينـه

وايضا هنوف ٍ تلبس الشال ولثـام

من شان بعض اصحابها عاشقينـه

تسمـع كعبهـا لا تخطـن الاقـدام

وكاس الـردا منهـا روا شاربينـه

يعلهن فـدوه لمـن شفهـا صـام

عن ما يخالف شرع ربـي ودينـه

دنيـا مليـه بالهوايـل والاقــلام

ما تحصـد اللـي كلنـا شايفينـه

ولانـي حشـا لله للنفـس عصّـام

والنفس أماره بـ( سي ) وضغينـه

ويالله سترك فـي مقابيـل الايـام

وتلهم نفوس الناس خير وسكينـه

ولا غيرك احد ٍ في خفا الصدر علام

ياللي عن المخلوق ماتنـام عينـه

لـ خالد الدعسان العنزي
28 -7 - 2011

 

[جزاء العصيمي]

ولانـي حشـا لله للنفـس عصّـام
والنفس أماره بـ( سي ) وضغينـه
ويالله سترك فـي مقابيـل الايـام
وتلهم نفوس الناس خير وسكينـه

ياسلام ياخالد شرحت وضع سئ قائم ومليتها عدل بتطبيق المصداقيه في اركان النص
وأشرت بالسبابه لمكامن الخلل وكنت شاعر منصف ومتميز ومتصفحك يفوح منه رائحة الشعر الأصيل
جميل ان نعود للشعر الذي يقراء ويحفظ لانه يلامس همومنا اليوميه
ويقع فينا موقع الاعجاب لمصداقيته
والأجمل ذالك الشاعر الذي ينظر بعين ثاقبه لمجتمعه ويستثمر شعره فيما يفيد من حوله
صح لسانك وتقبل مروري

 

[عبدالإله المالك]

خالد الدعسان ..

تحية لا تشبه إلا جمال أبياتك الشعرية ..

 

[شذرة السيف]

الدعسان... خالد


لا شلت يمناك .. وتسلم بطنٍ جابتك يالامير


لله درك

 

[صالح الوقداني]

تحيّة كبيره للأستاذ الكبير خالد مفلح الدعسان
ويشرّفني ويسعدني اني إلتقيت فيك مرّه " ثانيه " من خلال الشبكة العنكبوتيه
شاعر وإداري وأستاذ في الشعر كان له الدور الكبير في اكتساب صالح الثقه في بداياته ..
// أتمنى إنك تذكر إسمي

صح منطوقك .. وأبيات تصف الحال والأحوال
ويارب عونك وعفوك ..

أعجبني الشطر اللي تقول فيه :

والحيف كل الحيف بمصدقينه

وأنا اششششهد

 

[وليد الفالح]

خالد الدعسان
نص ملئ بالحكمة والتجربة
سلمت أخي الكريم ودامت هذه الشاعرية
تقديري

 

[عون القحطاني]

مساك شعر ياخالد


امتعتنا بهذا الحضور . نص جزل
حكمه وسمو ..الطيب يتجسد الشعر
لتنعم الابعاد بما جادت به قريحتك
صح لسانك .. تشرفت بتواجدي هنا



* " هذا وجوبك تدعس تحـت الاقـدام "
اسمح لي بس هذا الشطر ربما يوجد فيه خطا املائي او حرف ناقص

كل الشكر .. لك ولحضورك الراقي