زلزال هجركــ!!

[محمد بن حليلان]

للتواصل في ابعاد.. مع الإعتذار الشديد عن الإنقطاع عسى ان تجد الرضا والقبول

[poem=font="simplified arabic,5,,bold,normal" bkcolor="transparent" bkimage="" border="none,4," type=1 line=0 align=center use=sp num="0,black""]
ياصاحبي.. ماتعرًف الهجر وش يعني؟؟=ما غير أسولف مع نفسي وأحاورها
جرحُ مشاعر خفوقي حيل واوجعني=سبة هبوب الفراق اللي تعاورها
زلزال هجرك ضرب قلبي وضيعني=وأنحرفت النفس ومالت عن محاورها
وأضحيت خايف وكن الموت يتبعني=لا ناس تقبل تجاورني وأجاورها
أثر الوصل ذا الزمن ماعاد ينفعني=وجباله اليوم مسدودٍ مغاورها
لا قلب يآوي ولا به صوت يسمعني=مالي سوى دمعةٍ في العين أشاورها
تعبت من جور الهموم اللي تلوعني=تمشي مع الوقت و لي دارت أداورها
كن في الوسط شي يجمعها ويجمعني=لي غبت تسأل واذا غابت أزاورها
فان جات تسأل عليها ويش يدفعني=ويخلي القلب ضايع في مداورها
رديت!! من هو على الذكرى بيردعني=وجيوشها في الحشا تمشي كناورها
وأنا على صدها ياو يش يمنعني=اليا غزى خاطري خيرة قساورها
إن جيت أبا آسلى شكوك الحزن تقرعني=وما تبتعد عن ضميري لين أناورها
آهات من حرقة الالآم تقبعني= وضنونها قيدت قلبي أساورها
وشلون آشوف الأمل والحلم يوسعني= واليآس يحجب علي شوفة مناورها
راح الذي من شتات الذات يجمعني=ولا بقا لي سوى دمعه أشاورها
[/poem]