[ تحدني الدنيــا ]

[فواز الفهيد]

[poem=font="simplified arabic,5,white,normal,normal" bkcolor="black" bkimage="" border="none,4,black" type=1 line=0 align=center use=ex num="0,black"]
تحدني الدنيا على غير ما ود=واطيعها لاشك ماهو بودي
امشيٍ بدربٍ باين بأخره سد=واقول ياربي عساني اعدي
دربٍ به العثرات ماهيب تنعد=كم جيت اعددهن وضيعت عدي
عندي طموح وهمتي مالها حد=واعرف قدري عند ربعي وندي
والمزح اعرفه زين وأميز الجد=وثوب الحياه افصله دوم قدي
مير ان وضعي صار به عدة عقد=متحيرٍ مابين جزري ومـدي
حظي وقف لي وقفـــة الند / للند=ومن كثر ماعانيت بيحت سـدي
ماعادلي حيلــه / ولاعاد بالـيد=والعمر يتعدى / ولاعاد يمدي
يالله عساها تفرج ونارد العد=ويصير صاحب من وقف قبل ضدي
تحدني الدنيا على ضيقتي حـد=واطيعها لاشـك / مـــاهو بيـدي [/poem]