خايـــف علــيــك !!! ... (جواز عبور)

[بدر القمشوعي]

جواز عبور .. إلى قلوبكم



من منطلـق حرصي على حبك ومن خوفي عليك
ولأن .. خوفي ـ دايما- .. تعبير عـن حبي إلـك


فعليه .. يا .. "ست القلوب" .. الله يرحم والديـك
شيلي زعلْك وضيقتك .. "يرضي أبو" من زعلّك


يـا ألطف وأشرف وأعفّ وأنظف وأظرف شريـك
يـا أعــدل وأنبـل وأجـــلّ وأجمــل وأفضـل ملـك


سبحانه اللي حطّني "خاتم" .. وسلّمني .. "يديك"
وأصبحتي أقرب من هلي واصبحت أقرب من هلك


آنا الوحيـد اللي عـرف قلبــك ومـن ويـن بيجيــك
وآنا الوحيــد اللي إنتفـض أقصـاه بحضـور أولـك


أمزح معـاك .. إن قلتلـــك : جبتي نهايتنا بيديـك
لاْ تصدقي .. هالسالفـــة .. لـو ميــة مـــره قلتلــك


وآنا تــرا .. لو ابتعـد .. سرعان ما أركض وأجيك
كم ليلـة .. لو تذكــري .. لجل أعتذر لـك .. جيتلك


إنتي الاهم .. ومو مهم غيرك .. وأنا خايـف عليك
واللي حصل يا غاليـه .. تعبيــر عـــن حبي إلـك