فقــد …

[محمد آل عبداللطيف]

السلام عليكم ورحمة الله وبركاته


فقد ….

‏
تباطيته على جال الليالي والقِدَر يِبْطيه
‏واحس انّه تباطاني وكلٍ جوّد حسابه

‏سحاب الشوق في صدري ينادي أوله تاليه
‏تجمّع سيله بقلبي العتيق وْسدّ ميزابه

‏قديم امسي غزى يومي يسابق خطوتي يدعيه
‏أخذني من تفاصيلي نلاحق جِرّة غيابه

‏أجيب لهاجسي دنيا تثنّى كودها تغويه
‏وما من غفلة للي توارو عنه أحبابه

‏أنا وجدي عظيم وْلا قويت بغفلتي اخفيه
‏ولا يِخْفيك يا وجدٍ عظيمٍ لذّة انْهابه

‏سألت الي فقد قبلي وش الي باقيٍ نمشيه
‏عطاني نظرة المسلوب يبكي حِرقة اسْلابه

‏يقول الروح لي نِهْبت تقدّم صيدةٍ للتيه
‏وحيده يختلي فيها يقلبها تحت نابه

‏وحلمك بعْد طعم الفقد مايشبه أبد ماضيه
‏دنتْ غايتْه في ليلٍ معد هو فاتحٍ بابه
‏
‏يعيش الادمي والموت كنّه راميٍ يخطيه
‏الين يصيب شيبانه يصير الوصل واسبابه

‏تبي تمضي طواريف العمر ولآخره تنعيه
‏تحمّل واقعك حتى تجيه وتلبس ثيابه



‏محمد آل عبداللطيف

‏الـورد

 

[نادية المرزوقي]

وحلمك بعْد طعم الفقد مايشبه أبد ماضيه
‏دنتْ غايتْه في ليلٍ معد هو فاتحٍ بابه
‏
‏يعيش الادمي والموت كنّه راميٍ يخطيه
‏الين يصيب شيبانه يصير الوصل واسبابه

‏تبي تمضي طواريف العمر ولآخره تنعيه
‏تحمّل واقعك حتى تجيه وتلبس ثيابه



الله الله ،


شكرا للجود ، و الحكمة التي دنت مسكا للختام.


دمت بخير و عافية

تقبل تحية اختك :

النون المرزوقي