العمر لو ينوخذ ؛ والله عطيتك / بداح الشويب

[بداح المطيري]

شيلة : القلب بيتك
http://youtu.be/sU7gJZlSFhk
كلمات/ #بداح_الشويب
أداء / ثامر الرشيدي

العمر لو ينوخذ ؛ والله عطيتك
روحي وعمري ؛ هديه من زمان

اطلب وامر ؛ ترا هالقلب بيتك
عيد ميلادك ترا حان ؛ الاوان

اكتب بيوت القصايد مانسيتك
ماكتبت ولي هدف والا عشان !!

كل عام وبسمت شفاتك فديتك
وكل يوم وكل ساعه لي ؛ تبان

بـ اطلب الله ياعساني مابكيتك
ياعسى عمري قبل عمرك ضمان

اسعد الايام يوم ؛ اني لقيتك
واسعد اللحظات نورك بالمكان

الغلا جبته مع شوقي وجيتك
ماجعلت بـ عيد ميلادك هوان

#بداح_الشويب

 

[سيرين]

معزوفة رائعة الابداع واكتملت بها اركان الجمال
فكان لها الانصات دهشة تسلب اللب
دام سامق ترفك وارف الغيث شاعرنا المبدع
تحية وتقدير




\..

 

[بلقيس الرشيدي]

إبدَاع كلِمات ولحن وأداء رائِعة يابدَّاح سلم احسَاسك والبنان .
كُل التقدِير

 

[عبدالله العتيبي]

صوت سماوي
وكلمات تعانق السماء

الله عليك

 

[نادرة عبدالحي]

ليكن عمرها مديد واعيادها سعادة
لتكن أيامها أعياد .. يستحق صاحب العيد عيده
ويستحق صاحب البوح والصوت كل تقدير

عيد ميلادك ترا حان ؛ الاوان

 

[رشا عرابي]

كلمات رهيفة الحس
ورتم نغم آسر

سلم البنان والروحُ والإلهام يا طيّب

 

[عبدالإله المالك]

جميل أنت يا بداح
تلاعب الكلمات كتلاعب الفراشات

تحيتي

 

[بداح المطيري]

المشاركة الأصلية كتبت بواسطة سيرين

معزوفة رائعة الابداع واكتملت بها اركان الجمال
فكان لها الانصات دهشة تسلب اللب
دام سامق ترفك وارف الغيث شاعرنا المبدع
تحية وتقدير



\..

اشكــر مرورك
والابداع جـــزء من كلماتك الهاطله