سلّــة " الذكرى "

[فهد فالح البلوي]

.
.

جيت يمك كلي أشواق .. وغِـنا
.......... وانتظرتك تسمعيني .. باهتمام

راحت الليلة وحيدة لك .. وأنا
.......... كنت أجمع .. هيبتك وأحلى كلام

انتظرت الليل يشرح .. وش بنا
.......... من تباعدنا .. ولا طار الحمام

مدري .. كثر الشوق أرهق ليلنا
.......... مدري .. مايبغى يعديها سلام

ما شكيت لطول بعدك .. من هنا
.......... ولا شكيت .. لكبر أفعال الملام

زود بعد النجم .. ما خلا السنا
.......... يترك عزومه .. ولا يفج الظلام

.
.

انتظرت البارحة باجمل منى
.......... واستمرت .. لا صباح ولامنام

اقطف من الورد اللي انحنى
.......... ويبتهج قلبي وينزاح الغمام

في بساتين المحبة .. من جنى
.......... سلة الذكرى تكفـّـي .. ألف عام

لا قطفتك من شجر شوكه .. دنا
.......... والله إني أعشقه .. جرح الغرام

.
.