(فلسفة عاشق)
أحببت فيك الشعر
حتى رأ يت من خلاله ظلك وأنا بالظل
وأرويتك من الضمىء وشربتك من السراب وأشرعت بك بلاريح
وأكملت بك عمري بلا قلب ,, فأي ليلة ً انتي وأي عاشق ً أنا
مدخل
يراودني هجير وفي
ظلام وضي
جفاف ومي
واستشف منك الفراق
وكل ما حولي شقى
شلي بقى
غير اشربك وانت السراب
أو اني ارويك الضمى
واشرع بك بلا ريح
ياهي عيونك قاسية وياهي احزاني راسية
ماكفاك اني على بابك بكيت
وألف ليت
وآخر المشوار حسرة
وآخر جروحي امتداد
بلا بلاد
وين وداك الغرور وكل ما حولك أنا
وانا آه مني ياانا
كل ماحولي جروح
وألف روح
مقبرة صرت اسوارها
وللحين يزهاك القصيد
وكل يوم بك شي ٍ جديد شوف إقرا
يكفيني انك تقرأه
هل ياترى
يكفيك ان فيك اكتبه
29/ شعبان/ 1432/ هــــ
في مثل هالليلة تغانمني الناس
ــــــــــــــــــ كل ٍ يهنيني بشهر الفضايل
وقعدت اقلب بالرسايل والاحساس
ــــــــــــــــــــــــ في غربتي وش لي غير الرسايل
كني كذا مابين الاسماء عساس
ـــــــــــــــــــــــــ ادور اسمك ياعريب الخصايل
قمت اتهجس قسوتك واسمع جراس
ـــــــــــــــــــــــــــــ تنذر بجفوى يا حسين المثايل
البعد ماهو بعد بدروب وانفاس
ـــــــــــــــــــــــــــــــ البعد بعد قلوب او حب زايل
ياشوق وين ايامنا مو على ساس
ــــــــــــــــــــ اني لك اقرب من حرير الجدايل
كل عام وانت بخير ياعشق حساس
ـــــــــــــــ وكل عشق وانت بخير ياخل عايل
مخرج
أسولف بك معايا أمس
آخر ليل من شعبان
تصدق للصبح سهران
مرة اعذرك مرة
ومرة اقول هو خسران
وتتسلل كذا مدري
وتاخذ شي من صدري
واصير احكي معا طيفك
ونتعاتب انا وياه
ويبدا صوتنا يطلع
يوصل لاخر الجيران
حبيبي سامحك ربي
كيف اصواتنا تطلع شوف لوين وصلنا
عنادك ريحة بلادك
ألا بطاري بلادك
متى بيكون
لي بلاد
متى تهجرني الغربة وتهنيني على الميلاد
متى
تخضر مساحاتي
متى انام ما حاتي
متى
ما احسب لبكرى
أخاف ارحل رغم عني
اخاف اموت ما شوفك أبي بيديك تدفني
واحس برعشة كفوفك
آخر المشاركات
07-31-2011, 02:23 PM
فــلــسـفة عــــاشــــق ,,
العرض الشجري