مـساء / صبـاح ... الـرضى والـسرور أعزائي في أبعاد
عـشق أطفال .. لـيست إلا درامــا عشتــها وانتـحلت دور أحــد أبطــالها ..
خـرجت من خلـف ستار أحد الـليالي .. اتمنى ان تـرقـى لــذائقتكم أصــدقائي
فـ لكم مـع الـود ..
{ عـشق أطـفآل }
سقى الله اوٌل أيامي وعمـري دون سبع سنين
............قبل لا ترمي الـدنيـا على صـدري بلاويها
قبل ما اعيـش انا ميـٌت وانا محسوب فـ الحيـٌين
.........أعـيش وزادي الـذكرى مع إني ما ادانــيها
على هاك الوداع الٌي مـن الـفرقى يا لـين الحين
.........وانا مصـدوم بالدنـيا عقب خانت لـياليـها
ليا من جت على بالـي سـفيرة حسنها فـ الزين
...........هـذيك الفـاتن الـجادل تبـارك من مسـويها
بديـت اسـترجع المـاضي وعـسر ٍ كنت أشـوفه لـِين
.........أقلـٌب دفـتر الـذكرى ليـا من دك ٌِ طـاريها
وصـايفها دخيل الله... وصـايفها مـا فيها شين
...........أنا لن جيت أعـذربهـا عـذاربـها تحلـيها !
ربـينا بـ ديـرة ٍ وحـده : بـداوه ,طهـر, بيت الطين
...........وكانت تـلبس العِـفـٌه وثـوب الطهـر كاسيها
صـحيح إنا عـشقنا بـس ( عـشقٍ محتشم بالدين)
.......عِـشـِقْ أَطفال مثـل ورود نـضمى لاجل نـسقيها
قلوب أطـفال ما فيهـا من نـقوص الحكي تخمين
..........أخـبـٌي حُـبٌها عنـها ..تداريني وادريـــها
تجي تـبدا لي تسـولف .. وجـذع النـخل يبدا يلـين
.........يـذوب الجـذع ! أو ما ادري نـزل من شـان يوحيها
زرعنا عـشق وسط ضـلوع ولا نـدري زرعنا لـمين
........اثـارِ الـبعد يتـحرٌى .. حـصاد احلام يـجنيهــا !
ودارت فينـا هالـدنيا وصـار الـدمـع جفـن العين
.........فـ ليـله عـاجـز انـساها منِ الـٌي صـار لي فيـها
ختمنـا بالـغلا قصـه .. نهايــتها فـراق أثنـين
..........ختمـناها غـصب عنـٌـا .. ما كان الـودٌِ نـنـهيها
ختمناها عـقب جت لي بـدمعه تـختصـر ثـلثين
........فــراق ٍ ما حسـبنالـه وحلـم ٍ مــات بـ يـديها
بـ لحظة صمت مع ضيـقه ودم يـجف في قـلبين
.........ورحـلة هـجر نـبداها ونـجهل ويـش تالـيها
تـوادعنا عـقب ما طـاح من كبـد السما نجمـين
.........تـوادعنـا وصـورتنا معـاها في مخـابيـها
تـلدٌ بعيـنها يمـٌي وتمــشي ثم تـلدٌ إليـن
........بـديت اسمـع نحيب ضلـوع صـدري يوم تبكيها
بكاها بيتها المكـلوم .. صاح السـور : راحت وين !
.........بكـتها ورودها الـٌي كل صبـح تـقوم تـسقيها
أخـايل طيـفها الوردي وأرحب به هلا واهـلين
..........فـليل ٍ زارت احلامي ونور الصبـح قافـيها
أفـزٌ بـلهفة إلـٌي فـاقـد ٍ غالي لـيوم الـدين
..............وابادرها بـشوق أقـول : حظـٌي ما يسوٌيـها
وأقـول شـلونها حالك .. عساك بـخير يا اخت التين ؟
.........ابـد لا تخـونك الدمـعه.. وإذا خـانتك مشٌـيـها
يا ليـتك طول هالـمده.. بـحالي , بالعنـى تـدرين
...........زرعتـي صـورتك فيني ورحـتي ما مسـحتيها
أشـوفك مع شـروق الـشمس يوم الشمـس فوق تبين
..........وحـسٌ أصـوات سرب طيور تعـزف لك غناويها
أشــوفك فـوق كل بيـت ٍ كتبته واقفه تقـرين
..........دفنت اوراقِ بغيابك طعـون ٍ هاك و اقـريــها
ما غبتي ثانيه عني بكل لحظه علي تطـرين
...........بكـل دروبــنا الـٌي كـنـت انا ويــٌاك نــمـشيها
ترى بن آدم حياته دين مطلـوب ٍ يرد الـدين
..........اخـاف الـدين يـــوصلني وروحـــي بامر باريها
ما ودٌي يوم موتي يا سمـيـٌة خافـقي تبكين
........بـتكفي بـسٌِ صورتنا .. فديتك بـسٌِِ ِ شوفيها
ليا من جيت في بالـك .. وحنـٌيتي علي تكفين
.......امـانه شيلي الـصوره ,{وشـوفيني وضمـٌيـها} !
وقاطـع هالـحلم صـوت ٍ يصـحـٌيني ولا ادري مين
.........إهي صاحـت وصـحـٌتني !! أو إنـٌي كنت انـاديها ؟؟
لكل من يشـرفني بمـروره 
آخر المشاركات
04-10-2009, 01:50 AM
..{ عـشق اطـفـال } ..
العرض الشجري