خارج عن الترتيب والشهره
شاعر ورتب ... أولوياته
اليوم يومه والشهر شهره
وأحيان مايشعر بساعاته
ساحر بيانه لو صدح جهره
صار القصيد العذب مأساته
أثر القلوب السود منقهره
من طلته واصغر نجاحاته
ياحاسد الشاعر على نهره
اليا انفجر واطلق حكاياته
ماقال بيت الا دفع مهره
زفرة شعوره وانفعالاته
وليا ضما ليل وبدت سهرة
تشرب معاناته ...معاناته
وليا ابتسم والناس منبهره
حزنه ترى كثر ابتساماته
وليا كتب بيتين في مهره
صارت حقيقة من خيالاته
قلبه تقسم نجد والجهره
وليا بغى يقسم قسم ذاته
يبني وطن للناس من طهره
بأكبر جروحه وانكساراته
رزنامته بالشعر مزدهره
لو ما فتح باقي ملفاته
واكبر دليل أبيات مشتهره
من بصمته واجمل علاماته
ماهمته لو طافت الشهره
مادام يكتب عن قناعاته
#بدر_فاضل الدهمشي
baderfadhel@
حتى وان طال الغياب في حنين جابني هنا