ياذيب من حبه شربت البهاذيل=من يوم سوى بي هذيك السوايا
ماهو بجرح الا جروح وغرابيل=واليوم باقي من جروحه بقايا
مدري علامي كل مايظلم الليل=زارتني همومي جيوش وسرايا
ياما سهرت اسامر الجدي وسهيل=واجر وناتن بقلبي خفايا
اشكي غرام ام الرموش المظاليل=اللي موردني حياض المنايا
المهره اللي قلبي الها مداهيل=عطيتها عمري وروحي هدايا
طلع غلاها لي خدعه وتمثيل=في حبها يارب تجبر عزايا
عسى العوض لي فالليال المقابيل=باللي على ايديها دواي وشفايا
وتحبني وتموت فيني وبالحيل=تعزني على جميع البرايا
وازيدها عشق ومحبه وتدليل=واحطها فالقلب بين الحنايا
واكتب بها شعري واقوله مواويل=حتى يموتن غيظ كل الصبايا