هذه المشاركة عن اجواء الحارة الفلسطينة حسب طلب الأخ الكريم سعود القحطاني
طبعا متل هذه الصور كانت تحدث في القرى ..هي صورة بسيطة عن الحارة وناسها فهناك الكثير
من العادات الجميلة والعلاقات الوثيقة بين اهلها . اما اليوم ما زال بعض الحارات
على هذه العادة تتجمع النساء وقت الفراغ لشرب النس كافية او الاسبرسو .
الحارة
تعال يا ستي يا سعود تعال اخرفك عن حارتنا ...هذا يما يا سعود لما نسوان حارتنا يصلن العصر بتجمعن عند وحدة من الجارات اللي معها زعترات اتقطمهن ..اللي معها عدسات اتنقيهن مشان تطبخهن بكرا
اللي حاملي ملوخياتها اتقطمهن وتفرمهن
مهي بتقوم الحزينة قبل ما يأذن الصبح تعجن وتخبز وتطبخ قبل بتسرح على السهل ...واللي جايبي قمحاتها اتنقيهن من الشعير والزوان والحجه دايما يا ستي يا سعود حامله مسبحتها وبتقرا الصمديه لجوزها الله يرحموا ويحسن خاتمتو ...وصاحبة الدار يما يا سعود بتصير اتنادي على بناتها هاااولك يا فلانة وهييييي يا علانة ردي بريق الشاي الكبير وحطي في شجيري وملعقتين شاي كبار وسكر ابصر ظايل في سكر عنا ولا اشوهذا بنات اليوم لا بردين ولا بصدين اي سقالله وينتى حدا يجي يزيحك عني .... وبتزعق البنت يما فش سكر عنا يعدمها امها اسع وينتى اشتريتا زرف السكر ... وبتقوم وحده من هالجاراا ت وبتشمر عن عضلاتها لتجيب كباية سكر من دارهم ...وزلامهن يا قاعدين على قهوة بلعبو نرد ولا شدة يا بتخرفوا عن احداث اللي بتصير ولا يسمعوا الراديو على اذاعة فلسطين من بلاد برا ولا بقاش يا ستي يا سعود انتتتنت ولا في لا أبل ولا في هذا اللي متقاتل مع أبل هو شو اسمعه قطع يومو ااا ه افطنت شجلاكسي . بقت في الحارة كلها خلقت راديو يوم بتشتغل وعشرة لاع اما بقوا يطقوها على راسها اتقوم تشتغل ولا جريده عتيقة اظلهم يقرو فيها شهر ...
ولا بقوا الزلام يجتمعوا في ساحة الحارة ولما يوذن المغرب الكل يقوم ينظب على داره...والولاد يظلو يلعب فتبول ولااا السيجي اييي سقالله على ايام زمان بقوا الناس يصلو العشا ويندحلو يناموا مثل اليوم لا بناموا ولا بقرو وهمي حاملين هاللوح اللي مثل لوح الصبر ومبحلقين في وبظحوكوا ....عزييين على شو بتظحكو اما قلة حياء.......
يلا يا ستي يا سعود قوم اكتب بعمك جوجل وفك الشيفرة لخراف اللي خرفتك إيا ....