صباحكم خير ومسرات
نص جديد أتمنى يرقى لذوائقكم
ياغربتي في عيوني ضاعت أوطاني
ويا حسرتي للفقير المنتظر حلمه
لو يحضرون البشر واحد ورى الثاني
ما يسترون الفراغ الممتلي عتمة
خليتني في السراب أطيح واعاني
وأضيق من هالصبح / والناس و الزحمه
أشوف كيف الأسى ماثل بجثماني
وأشوف كيف الحنين يتوه في كلمه
يصب هذا السهر في الكاس أحزاني
وأثمل على طاري الأحباب واللمه
وأقول يارب يلقى كل ما جاني
من واحدْ يهيم به و اهوا ولا همه
لو كنت مثله أبدّل بين خلاني
ماكنت أعيش اليوم أحيا على ذمه
لو أحصر الاسباب بـ اقول كتماني
أنا خسرت الغرام المحتمل ضمه
هند الشهري