[عارف زينل]

السلام عليكم ورحمة الله وبركاته

متواضعه اتمنى لها القبول





[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]دامه سكن قلبي ويرجف من الخوف = خلّوه يبعد ما في قلبي مقابر
قلبي ترى ماهو ل ايمان أو نوف = قلبي لمن سوّاه والكل خابر
كل نجم كان ب ليلي الساكن يطوف = روّح وصار بدنيتي نجم عابر
والهم والآمال ما منهم يروف = هذا يبهدلني وهذا يكابر
والمشكله من دون مالناس اتشوف = في سكرتي عاشت جنون المحابر
مرتني الذكرى ومرتني طيوف = واللي بصبره عاش للحين صابر
ينفض غبار الوقت ويدثر حروف = يوم الزمن غابر وماله معابر
هذا وانا ماجيت بارماح وسيوف = ولاجيت قصدي اعتلي للمنابر
ولاجيت ظميانٍ ولاجيت مكفوف = ولاجيت جرّاحٍ ولاجيت جابر
ولاجيت جبّارٍ ولاجيت مخطوف = ولاجيت باولكم ولاجيت دابر
جيت امتطي كلمه يسمونها ظروف = جيت ارتجل معنى بمعنى مثابر
جيت أفرك الصبح بيدي وانسج الجوف = جيت اترك القمره تبيني واكابر
جيت ف شتا حبي وأنا لابس الصوف = جيت بوضوح الحلم في وقت غابر
ودامه سكن قلبي ويرجف من الخوف = خّلوه يبعد ما في قلبي مقابر[/POEM]


اخوكم