[شهيق ورده]

قلبي مدينهـ



[POEM="font="Simplified Arabic,4,white,bold,normal" bkcolor="sienna" bkimage="./images/backgrounds/9.gif" border="ridge,4,darkred" type=1 line=0 align=center use=ex num="0,black""]ما تغيَّر شي لكن .. صار فاضي هالمكان=يعني إنتَ شفت قلبي طحت مِنْ عيني وعينه
[ كان ] لك قلبي مدينه ولاحظ إني قلت : كان=يعني إنتَ الحين واحد خارج حدود [ المدينه ]
ليه مستغرب كلامي وليه أعطيك الأمان=وليه تَكْذِب في كلامك العذر وينك ووينه
ما ألومك كان قلبك ثارت أمواجه وخان=الخطا منَّي لأني صرت في بحرك سفينه
والسؤال اللَّي كتمتـه وما نِطَق فيه اللسان=كيف إيدك إطعنتني وآنا أحْسِبْهَا أمينه ..؟
جرحي ما يرضيه قلبك لو يجي كلِّه حنان=لو تبوس الجرح فيني ولو تقبلها إيدينه
يُوم أحبك قلت كلمه : يكرَم المرء أو يُهان=وإنتَ قلبي ما كرمته وما قدرت إنِّك تهينه
[ عزِّتي ].. ما هي جديده آنا شامخ من زمان=إغسل إيدك من رجوعي وروح يا إبن اللذينه
طاب خاطر قلبي منِّك وهذي الفرقى رهان=وحتَّى لو قلبي يحبك ربِّي بفراقك يعينه
تدري لما قلت أحبك قلت وما عندي ضمان=وإختياري كان خاطىء تجربه بالحيل شينه
ماني أوَّل من يحب ومنتَ آخر شخص خان=المحبه في زمانك [ بحرها ] من غيـر مينه
[ الفشل ] .. كان النتيجه وأعتقد آن الأوان=أبني مستقبل حياتي وأنسى قصتنا الحزينه
وخطوتي الأولى غيابك وراح أطبقها عشان=يبكي قلبك لا فقدني والندم .. يملي سنينه
قلت لك قلبي [ مدينه ] فيها لك حشمه وشان=لكن إنتَ الحين أغرب شخص في هذي المدينه[/POEM]