البوح بعض أحيان مثل الخناجر
وأحيان فيه عن الهموم أستراحه
***
والبعد بعض أحيان مؤذي وفاجر
وأحيان فيه عن المخاليق راحه
***
والشعر فالظلمه حديث الدياجر
وأحيان في بعض المعاني وقاحه
***
واللي ببعض إحساس قلبه يتاجر
ماهو بمثل اللي تحّده جراحه
***
ولو تفهم الفكرة دموع المحاجر
كان أعلنت فالبال عمق أجتياحه
***
ولو كان يمديني عن الحزن أهاجر
ماشفتني في كل منبر وساحه
***
ولاشفتني لطيور الأحزان زاجر
أدوّر أضيق ماتجود بمساحه
***
القلب طير بسجن الأوراق ضاجر
مدري متى يعفى ويطلق سراحه
نواف التركي