نص تلقائي جديد أتمنى أن يرضي ذائقتكم
::
::
أمانتك... ماحركك ...طاري الشوق
ولاهــزّك لصوب الحفر/شوف غالي
ياللي قطفت من الحلا/ زهرة الذوق
الصــدر لك قفـرٍ من الونس خالي
مستـاحشٍ ماكـنّه يشـوف مخلوق
ويعن لك/ لاهب ريـح الشـمــالي
تعال... خل بشوفـتك يغضي الموق
شفني ...بعد غيـبتك ....كنـّي لحالي
يسـوقنـي كثر/الوله/ والغلا/ سوق
حتى غـديت أغـلا من أصغرعيالي
رسمت لك في لوحة الصدرصندوق
فيها/كنوز.. من الدلع .......والدلالي
وكتبت لك من صادق الشعر طاروق
ماهوبـ يــالاله /يـالاله/ يــالالي
قصــــايد..تعجب فكر كل معشوق
من شاعــر مايقطــف إلاّ الجزالي
لامر به... طاريك/ يرتاح /ويروووق
لوكان..... متعبــته ظـروف الليالي
ميرأنت ...لاتبطي ترى لهفة الشوق
تذبح ...وراح بها زحــول الرجالي
::
؟؟
