ومضات شعر
--------------------------------------------------------------------------------
وجع
بتيجي على حلمي عشق
مرة عتب
مرات محمرة
ومرات عم تشرب خمر جرحي
وبتقول شو مرة
ومرات بتتعلق على روحي
بتاخذ وجع هالقلب
وبتطلعو برة
شباكك
بيندهلي شباكك
البتجرحو عيوني
ولعيونك بيشتاق
قلي جمالي ذاب
من حرقة الاشواق
مد الهوى ايدو
حسمس على الشباك
شفتو راق
حزن غافي
نعسان فيي الحزن
غافي على خيالي
وما ضل عندي حكي
احكيلو عن حالي
شو صار حتى انطفى
تحنان موالي
كان الحجر يبكي خجل
لو مر في بالي