مابيني وبينك مشاريه وعتاب
وشوف دربك اللي جيت منه تدله
عهد علي لاجعلك عبره للاحباب
لين الخليل ايتوب عن جرح خله
وزلاتك اللي مانفع فيهم احساب
لاجـيت اعـددهم ثـمانين زلّـه
احرجتني بين القرايب والاجناب
كن الجفا سيف بوجهي تسله
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانوا اغراب
وحتى القمر لا غاب شفتك محله
خلاص لا ترجع ترا خاطري طاب
الخاطر اللي كنت عايش بظـلّه
مـا يـجتمع بـالحب صـادق وكـذاب
رزقي على الله وأنت رزقك على الله