"
ما أشتقت لك !!
ما احتجت لك !!
ما مت بك !!
وما رحت لك !!
شفني على جالك
رسيت
يا مبشعك يومك دريت !!
إني أحبك
فاولك !!
وإني أحبك
لآخرك
وإني عليك أضمى
وجوع
وإني هلك !!
وإني حروفك
مرسمك
وإني جنونك
ما عقلك !!
وإني أنا
أشتاقك كثير
وإني أبي منّا نطير
وإني أنا
ما أجهلك
أحفظ من أحرفك
وطن !!
وأخذ من أشباهك سكن
وكل شي انا شوفه
عدم
وحتى الشعر
وحتى الشعر
وحتى الشعر
فيني سِكن !!
ماعاد في
حرفي مدن
دامك وطن !!
ما شتاق لك
بعد الطريق
كثر السهر
كبري أضيق
يا معدلك !!
تاخذ من اغيابك
سنه
وتتركني
أشتاقك سنين !!
تاخذ من اظلوعي حطب
وتترك لي البرد
الشديد
يامبخلك !!
نايم على كف الهنا
وإلا أنا
أحسب ثواني جيتك
ما اشتقت لك
ما رحت لك !!
شفني على جالك
وقفت
اتهزني ريح الحنين
وأغرق أنا
في كل حين
وأسمع من المينا
أنين !!
ما مت بك !!
لكن كثير أتذكرك
كنا هنا
نشعل وله
كنا هنا
نطفي نجم
كنا هنا
نفرش تعب
وكنا هنا
.........!!
ما شتقت لك !!
لم يتبقى فيني جذوة من عقل
مجنونة ، مجنونة .